Bihotz Gaztea Ikastola – Markagintza, hezkuntza marketina
Santurtziko ikastolak hezkuntza proiektu propioa du non pedagogia eraginkorra eta puntako teknologia erabiltzen dituen. Beraiekin, markagintza estrategikoa eta kontzeptualizazioa gauzatu genuen. Geroztik, aholkularitza zerbitzua eskaintzen diegu eta komunikazio estrategikoaren parte aktiboa gara, ekintza ezberdinak kudeatuz.
Ikastola batek duen egunerokotasun bizia dela eta, beharrizan komunikatibo gehienen parte egin gara. Bilera estrategiko batzuetatik abiatuta, ildo korporatibo berdina mantenduko duten ekintza eta hobekuntza ezberdinak planteatzen ditugu, bai euskarri digitaletarako zein offline oinarrietarako.
2019
2020-2021 ikasturtera begira, publiko objektiboarekin bat zetorren matrikulazio kanpaina kudeatu genuen. Beharrizanak bildu genituen eta sormen lana landu genuen ildo korporatiboa ardatz hartuta. Kanpainaren euskarri digital zein fisikoen eta ekintza guztien diseinu, moldaketa eta kudeaketa orokorrak egin genituen, matrikulazio kantitatea handitzea helburu genuela.
2019
Bihotz Gaztea marka modu integralean aztertu genuen. Alde batetik, barne komunikaziorako erabilitako euskarriak, nortasun grafikoa, tonua eta estiloa ikertu genituen. Bestetik, inguruko zein eredugarri diren beste hezkuntza zentroek erabilitako marka estrategiak baloratu genituen, benchmarking sakon bat eginez. Era honetan, ikastolarekin bat zetorren kontzeptu bat marraztu genuen zeinek hezkuntza zentroaren egitasmo, balio eta helburuak transmititzen dituen.
2018
© 2023 Burutu. Pribatutasun politika | Lege oharra | Cookie-n erabilera
