ESCUELA CMYK

ILUSTRAZIOAN ESPEZIALIZATUTAKO FORMAKUNTZA ZENTRO BATEN TRANSFORMAZIO DIGITALA

 

Erronka Ilustrazio formakuntza zentro baten presentzia digitala bultzatu eta finkatzea.

Escuela CMYK ilustrazioan espezializatutako Bilboko formakuntza zentro bat da, bere presentzia digitala sendotu behar zuena. Pausoz pauso martxan jarri genuen marketing digitaleko estrategia integrala garatu dugu, epe ertain eta luzerako definituriko helburuak lortzeko.

 

Konponbidea Marka estrategiaren definizioa eta marketing digitalerako planaren garapena.

Branding hausnarketa estrategiko batetik abiatuta, Escuela CMYK formakuntza zentro berezi eta berritzaile bezala komunikatzeko balioak, atributuak eta marka esentzia definitu ditugu, bere ikasleen motibazioan eta hazkunde profesionalean oinarrituta.

Zure talentua, gure erronka” lelo nagusia sortu dugu, marka nortasun semantikoaren ardatz gisa, Escuela CMYK-ren filosofia laburbiltzen duena.

Markaren unibertso grafiko bakarra eta original bat diseinatu dugu, Escuela CMYK-ren kolore korporatiboak abiapuntutzat hartuta, merkatuan bereizten dituen identitate bisual malgu bat sortuz, eta etengabe garatzen eta hobetzen ari den ingurune digital batean markaren esentzia transmititzeko gai dena.

Marketing digitaleko plana

Marketing digitaleko plan integral bat garatu dugu, Escuela CMYK markaren presentzia eremu digitalean bultzatu eta handitzeko, eta komunikazio helburu erakargarriak lortzeko.

Horretarako, markak ingurune digitalean zuen egoera eta nortasun grafikoaren analisi sakona burutu dugu, baita merkatuaren egoera orokorra eta haren joerak ere aztertuz. Publiko objektiboen taldeak identifikatu ditugu eta buyer pertsonak definitu ditugu.

Marketing digitaleko estrategia osoa planifikatu dugu, non target potentzial bakoitzerako indar mezuak zehaztu ditugun eta komunikazio helburu kualitatiboak eta kuantitatiboak ezarri ditugun.

Matrikulazio kanpaina – Hezkuntza-marketina

Publizitate eta komunikazio estrategikoko kanpaina bat diseinatu eta planifikatu dugu, Escuela CMYK-ren nabarmentasuna handitzeko eta haren matrikulazioa bultzatzeko, marketing digitaleko hainbat tresna erabiliz, offline ekintzekin konbinatuta.

Burutü agentzian hezkuntza sektorearen bezero askorentzat (unibertsitateak, LH zentroak, ikastolak eta hizkuntza-eskolak) publizitate kanpainak garatu izan ditugu. Esperientzia horretan oinarrituta, Escuela CMYK-ren kasuan publikoa oso modu zehatzean segmentatu eta publizitate kanpaina eraginkorra egin dugu, komunikazio mix egokia baliatuz.

Branded content – Gakoa eduki interesgarria eta originala sortzean dago

Edukien marketing estrategia berezia sortu dugu Escuela CMYK-ren sare sozialetarako eta blogerako. Aldez aurreko planifikazio batekin eta komunitate digitalarekin harremana areagotzeko helburuarekin, markaren eduki estrategia espezifikoa sortu dugu, publikoari balioa ematen diona.

Alde batetik, eduki korporatiboko ildoak garatu ditugu zentroaren lan pedagogikoa errazteko, ikasleen adibide praktiko eta testigantzekin. Escuela CMYK-ren irakasleen laguntzarekin ikus-entzunezko eduki erakargarriak eta inbound marketinaren planteamenduarekin bat datozenak prestatu ditugu.

Bestetik, edukia sortzen eta engagement estrategiak garatzen berritu dugu, sektoreko emakume ilustratzaileen presentzia bultzatuz. Horretarako, #ilustrarenfemenino post dinamika bat sortu dugu, Paula Bonet, Sara Herranz, Ana Oncina, Agustina Guerrero edo Moderna de Pueblo bezalako ilustratzaileen lana goraipatzen duena. Funtsezko helburua markaren eduki argitaragabea, diferentziala eta interesgarria sortzea izan da.

Emaitza: Hazkunde esponentziala eta presentzia digitalaren finkapena.

Escuela CMYK markak bere nabaritasunean %70 baino gehiagoko hazkundea izan du publiko objektiboan. Trafiko digitala eta leads etorrera % 180tik gora hazi da.

Sare sozialen komunitate digitala hirukoiztu egin da. Ilustrazioan interesa duten pertsonen parte hartzea handitu delarik ere.

Escuela CMYK-ren sortzaileak lagundu eta aholkatu ditugu transformazio digitalaren prozesu osoan zehar.  Elkarlanean sinisten dugu, eta helburu lorgarriak ezartzearen garrantzian ere; beraz, garatutako proiektuak branded content eta marketing digitaleko ekintza eraginkorrak burutzerako orduan etengabeko hobekuntzan oinarriak ezarri ditu.