URA – Branded content eta publizitatea
Uraren Euskal Agentzia Euskadiko uraren arloko politika aurrera eramaten duen erakunde publikoa da. Branded content estrategiak diseinatu eta planifikatzeaz gain, sentsibilizazio eta kontzientziazio kanpainak garatzen ditugu.
URA Agentziarentzat Gabonetako marketing digitaleko kanpaina bat burutu dugu. Ikus-entzunezko pieza original bat asmatuko dugu. Natura bete-betean filmatuta eta 2021 aldera inspiratzen eta itxaropena transmititzen duten mezu indartsuekin. Marketing emozionalean oinarritutako kasu arrakastatsuaren adibide argia da, ingurune naturala zaintzearen garrantziaz sentsibilizatzeko.
Kalitatezko branded content sortzen dugu, marketing digitaleko estrategiarekin batera, irismena eta emaitza eraginkorrak lortzeko.
2020
URA Agentziarentzako gabonak zoriontzeko bideo original eta ezberdin baten lanketa burutu dugu. Musika eta natura elkarrekin lotzen dituen ideia artistikoan oinarrituz, izaera propioa duen grabaketaren garapena eta kudeaketa egin dugu.
2019
Martxoaren 22an ospatzen den Uraren Mundu Egunaren harira, motion graphics bidezko spot-a garatu genuen URArentzako komunikazio estrategia bezala. Bideoan uraren prozesua ikus daiteke hasieratik amaierara. Lan honetarako unibertso grafiko bat sortu genuen, gure bezeroaren irudi korporatiboa indartzeko eta eguna modu bisualago batean ezagutarazteko
2019
Beste behin, URA Agentziak Burutürengan konfiantza jarri du Gabonak zoriontzeko bideo ezberdin eta originala lantzeko. Ikus-entzunezko pieza baten grabazioa proposatu zitzaion bezeroari, oraingo honetan dantzan eta euskal folklorean oinarrituta baina modernitate eta sormen aldetik ikutu berezi bat emanda.
Spotaren emisioa telebistan eta bestelako publizitate medioen bidez egiteaz gain, egun gutxitara biralitate handia lortu zuen Whatsapp eta Youtuben.
2018
Jaien garaia aprobetxatuz, Gabonak zoriontzeko zorion agur berezia sortu genuen, betiko postaletatik guztiz ezberdina. Horretarako gospeleko koru batekin harremanetan jarri ginen eta urak bere protagonismoa zeukan inguru natural batean “Goiko Mendian” gabon kantaren bertsio modernoa burutu genuen.
Publifestival Sariagatik saritua izan den kanpaina, “Branded content originaltasun onena” eta “Publizitate-bideoklip sormen onena” kategorietan.
2017
Erakunde publiko honek antolatutako barne ekitaldi baten ospakizunerako, bertako langileei zuzendutako ideia ezberdina landu genuen. Haietariko bakoitzak iharraren haziak zituen loreontzia jaso zuen, inguruko zuhaitz bereizgarria.
2017
Uraren Munduko Egunaren harira, kaleko marketin ekintza antolatu genuen 2017ko martxoaren 22an, EAEko hiriburuetako gune jendetsuenetan.
Bilbo, Donostia eta Gasteizko hainbat kale egunari lotutako mezuaz kubritu genituen. Klima aprobetxatuz eta urarekin jolastuz, euria hasten zen momentuan mezua irakurri zitekeen. Mezua, hiriburuetako kale nagusietan grabatua geratu zen.
2016
URAk burutzen dituen ekintzen informazio teknikoa modu erakargarri eta ulergarrian aurkezteko, informazioz osatutako eduki bisuala sortzen dugu sare sozialetan hedatzeko. Infografia hauek, batez ere, kontzientziazio mezuak ematen dituzte, ubide eta ur-inguruei buruzko ezagutza eskaintzen dute eta noizbehinka, instituzio mailako jardueren berri ematen digute.
2016
Markaren egoera aztertuz Social Media plana garatu genuen. Sare sozial ezberdinen komunikazioa neurtzeko online edukiaren analisia egin genuen. Horretaz gain, lehiakideen analisia landu genuen, antzeko erakundeen komunikazio politikak batzeko.
Sare sozialetako edukien sorrerarako, bete beharreko jarraibideak finkatu genituen. Sare sozial bakoitzaren kudeaketa, eduki politikak eta krisi egoerako portaera protokoloa barne. Amaitzeko, markak gauzatutako komunikazioa neurtzeko, jarraipena ebaluatzeko adierazle ezberdinak proposatu genituen.
2015
© 2021 Burutu. Lege oharra | Cookie-n erabilera
