Burutü agentzian Bartzelonako Selección ANUARIA 2025 saria jaso dugu. IKA Euskaltegiarentzat garatutako “Entrena tu euskera” kanpaina integralagatik irabazi dugu, publizitate komertzialeko kanpaina onenaren kategorian.

Sari hau oso pozgarria da lantalde osoarentzat, Anuaria Sariak diseinu grafikoaren, komunikazioaren eta sormenaren erreferente gisa finkatu baitira. Urtero, publizitatearen hainbat diziplinatan balio estrategikoa eskaintzen duten proiektuak nabarmentzen dira.

Kontzeptu indartsu batean oinarritu genuen publizitate-kanpaina: euskara ikastea entrenatzea bezala da. Kirolak  praktika eta motibazioa eskatzen dituen bezala, hizkuntza bat ikastea ere egunez egun lantzea da.

Bereziki eskerrak eman nahi dizkiogu IKA Euskaltegiari konfiantza, lankidetza eta pasio partekatuagatik. Sari hau ere zuena da. Eta eskerrik asko Veredictas-eko epaimahaiari hemendik mundura garatu dugun proiektua baloratzeagatik.