Ostalaritza sektorean, marka modu estrategikoan kudeatzea geroz eta garrantzi gehiago izaten ari da. Josu Bergara publizista eta markagintzan adituak Leioako Ostalaritza Eskolan eskeini duen hitzaldi honetan, gai ugari jorratu dira: negozioen izenak, marken arkitektura, marka berri baten sorrera edo bezeroen fidelizazioa, besteak beste.

Ikasleek dinamika praktikoetan parte hartu dute, eguneroko adibideak aztertu eta burutü agentzian landutako proiektu arrakastatsuak ezagutu dituzte.

2021eko maiatza

Enpresa, elkarte zein erakundeentzat testuinguru digitalean marka zaintzea ezinbestekoa bihurtu da. SPRI Taldearekin elkarlanean antolatutako ikastaro honetan, marka mundu digitalean kudeatzeko formakuntza argia eta zehatza eskaintzen dugu.

Edukien estrategia definitzea, markaren tonua eta diskurtsoa koherentea izatea edo sare sozialetan publikoarentzat interesgarriak diren ekintzak sortzea. Gure ibilbide profesionalak ematen digun ikuspegi eraginkor eta praktikotik gai hauek eta beste batzuk jorratzen ditugu. Gainera, marketing digitalean eta markagintza kontsultoretzan espezializatutako agentzia garenez, adibide zehatzak eta kasu praktikoak erakusten ditugu.

2021eko otsaila – Online

Bic Bizkaian, teknologia eta bio-osasun sektoreko startup eta ekintzaileentzat espezializatutako inkubagailuan, Marketing Digitalari eta Brandinari buruzko prestakuntza pertsonalizatua eskaini dugu, parte hartu duten 10 enpresa bakoitzarentzat Social Media Plan bat garatzeko helburuarekin.

Startup-en ekosistema aldakor honetan, osasun-egoera eta digitalizazioarengatik nabarmenduta ikusi dena, marka balio handiko aktibo digital gisa lantzea izan da ardatz nagusietako bat. Baita haien sektorearen estrategia, tresna eta kanal espezifikoetan sakontzea ere.

2020ko urria / 2021eko otsaila

Sare sozial honek eskaintzen dituen erabilera aukerak ezagutzeko formakuntza praktikoa eta eraginkoarra enpresa zein profesionalentzat. Linkedin sarean hazkunde estrategiak garatzeko kasu praktikoak ezagutu eta ikasi ditugu.

Gure ibilbide eta esperientzia profesionalean, marketing digitala eta sare sozialen kudeaketa kasuetan erronka ezberdinei aurre egin diegu. Ikastaro honetan horrelakoak azaldu ditugu, zenbait laguntza eta adibide azaltzearekin batera. Jorratu diren gaien artean: kalitatezko edukia sortzea, social media estrategia erakargarriak planifikatzea, neurtzeko tresnak erabiltzen ikastea, besteak beste.

SPRI taldeak antolatzen duen Enpresa digitala programaren baitan eskaini dugun formazioa.

2020ko urria

BEAZ erakundearekin elkarlanean, markagintza eta nortasun digitalaren kudeaketan oinarritutako formakuntza eskaini diegu BIC Bizkaia inkubagailuan dauden startup enpresen arduradunei. Markak modu estrategikoan landu, gaur egun erabiltzen diren tresnak ezagutu eta epe luzean erabilgarria izango zaien social media plangintza bideratu dugu.

Formakuntza prozesuan bi atal nagusitu dira: teorikoan, startup enpresentzat bereziki prestatutako estrategia eta metodologiak ikasi dituzte. Praktikoan, proiektu bakoitzarentzat landutako tutoretzak gauzatu dira, ekintza planak eta helburu zehatzak identifikatuz.

2019ko maiatzetik abendura