Sare sozialek aldaketa aitzindaria sorrarazi zuten egunerokotasunean txertatu zirenetik. Aro digitalean egonik, komunikatzeko, informazioa partekatzeko eta aisialdia bizitzeko modua eraldatu dute. Edukiaren sorreran oinarritzen dira eta argazkiak, bideo laburrak, audioak eta bestelakoak partekatzeko aukera ematen dute.

Gailuekin geroz eta denbora gehiago ematen dugula aintzat hartuta, kontsumitzen den edukiaren egoera aztertu nahi izan dugu Burutün. Eduki hori baina, euskaraz kontsumitzeko aukera dagoela ziurtatu ahal izan dugu. Izan ere, blog honetan sare sozialetan edukia euskaraz sortzen duten batzuk bildu ditugu: dantzariak, abeslariak, erronkak eta vlogak igotzen dituztenak edota hizkuntza ikasteko gomendioak ematen dituztenak. Haien arteko lotura, euskaraz sortutako edukia sareratzen dutela. Ez dira bakarrak, Twitch, Youtube eta TikTok bezalako aplikazioetan beste hainbat aurkitzen ahal ditugu.

Eragin-sortzaileen garaia

Eduki hori propio sortutakoa izan daiteke eta ogibide bihurtu da azken urteotan. Instagram eta Tiktok bezalako plataformek eduki horren sormena hauspotzen dute eta edukiak duen kontsumo mailaren arabera algoritmoak ikusgarritasunaren aldetik gehiago edo gutxiago saritzen du. Eduki sortzaile hauek influencer gisa ezagutzen dira, eta funtsean, eragin-sortzaileak dira. Izan ere, partekatzen dituzten produktu, erronka edo iritziekin haien jarraitzaileengan eragina sortzen baitute.

Sortzaile berri horien artean badaude ere euskaraz edukia sortzen dutenak, eta zorionez, geroz eta gehiago dira plataforma erraldoietan hizkuntza bermatzeko hautua egiten dutenak. Zeintzuk dira Euskal Herrian eragina dutenak?

Eduki sortzaileak euskaraz

1. Anepe Acedo – @anepe.acedo

Anepe dantzaria da eta gorputzarekin formak eta sentsazioak helarazteko duen abilezia baliatzen du edukia sortzeko. Instagram eta TikTok-en sortzen du edukia gehien bat, eta dantza bideoak dira gailentzen direnak. Gainera, hainbat elkarrizketa egin izan dizkiote eta eduki ere baliatzen du euskara sustatu eta bere ibilbidea plazaratzeko. Harrotasunez erakusten du euskalduna dela eta hizkuntzaren inguruko edukia sortzen du maiz. Izan ere, itzulpen edo azalpen txikiak ere igotzen baititu.

2. Kai Nakai – @kai.nakai

Kai Nakai abeslari eta dantzari famatua da. Euskarazko reggaetoia egiteagatik ezaguna da. Gazte askoren artean gailentzen den musika mota izanik, abeslari honek bere edukia abesti eta emanaldi propioen inguruan sortzen du. Profilean partekatzen duen gehiengoa euskaraz da eta dantza zein musikarekin zerikusia du.

3. Guk green – @guk_green

Gastronomia, parajeak eta hizkuntzaren inguruko edukia partekatzen da kontu honetan. Euskal Herriko hiriburu zein herrietako gastronomia bideoak partekatzen dira. Esate baterako, jatetxeak eta tabernak izendatzen dira, baita bertan zer topatzen ahal den adierazi ere. Hizkuntzaren inguruko datuekin ere edukia sortzen da noizbehinka eta informazio baliotsua eskaintzen dio kontsumitzaileari kalitatezko produktuak non aurkitu jakin ahal izateko.

4. Barratik Kalera – @barratik_kalera

Umorea da kontu honen ardatz nagusia eta elkarrizketa laburretatik sortzen dute edukia. Mikrofono txiki batekin ping-pong moduko elkarrizketak egiten dituzte jaialdietan. Erronka txikiak proposatzen dituzte eta galdera dibertigarriak, beraz, sortzen duten edukia erakargarria da eta kontsumitzeko erraza.

5. Alejandro Ugalde – @ugalddd

Sare sozialetan ez du jarraitzaile kopuru nabarmen bat, baina sortzen duen edukia dela eta, interakzio ugari biltzen ditu. Izan ere, musikaren inguruko bideo laburrak igotzen ditu, gomendioekin, bere iritziekin edo abestien laburpenekin. Musikan aditua den Ugaldek askotariko momentuetarako euskarazko abestien zerrendak egiten ditu maiz. Top 10a, jaietarako hamar abesti gustukoenak, larunbatetarako zerrendak eta beste.

6. Etxebarria Trikitilariak – @etxebarriaitasemetriki

Aita eta seme baten sare sozialetako edukia da hau. Emanaldiak ematen dituzteneko edukiak eta gehien bat, umorea da sareetan partekatzen dutena. Semeak gidatzen ditu gehien bat bideoak eta egunerokotasuneko erronka txikiak haien modura betetzen dituzte. Trikitixa eta panderoarekin sortutako abestiekin edukia ere sareratzen dute noizbehinka.

7. Amaia Izar – @amaiaizaar

Amaia Nafarroako herri txiki bateko neska euskalduna da. Partekatzen duen edukia euskaraz da eta bere egunerokotasuna naturaltasunez partekatzeaz gain, proiektu berriak euskaraz partekatu nahi dituela azaleratu du sareen bidez. Herriko bizitza eta eduki natural zein lasaia partekatzen du, baita paraje eta moda kontuak ere.

8. Andrea Gonzalez – @andrgzv

Bergarako gazte honek euskarazko edukia sareratzen du eta egindako bidaia eta egunak kontatzeko espazioa hartzen du. Gainera, bestelako kide batzuekin sortzen ditu bideoak, hala nola Andoni Etxezarekin. Zenbait telesailen laburpen bideoak ditu, hala nola Go!azen edo El Conquisekoak. Gainera, aurpegia garbitzeko erabilitako produktuen edo erositakoen bideoak ere ditu bere profilean.

9. Iruñe Astiz – @amaiaizaar

Bere burua “Marisaltsera” gisan definitzen du eta euskarazko komunikatzailea da. Hainbat sare sozialetan euskaraz edukia sortzen du eta gainera, hezitzailea da. Erronkak filmatzen ditu, egunean egiten duena sareratzen du edota jatetxe edo taberna ezberdinen izenak adierazten ditu eguneko vlog txikietan. Maiz agertzen da bestelako euskarazko sortzaile batzuekin eta Twitch kanal ezagun bat du.

10. Andoni Etxeza – @_ibilimunduan

Bergarakoa den beste honek bere bidaiak eta eguneko pasarteak filmatu eta igotzen ditu sare sozialetara. Bidaietan egindako planak eta erabakiak euskaraz igotzen ditu. Hainbat bidaia egin ditu Maroko edo Vietnam ingurura, eta guzti horietan filmatutakoak baliatu ditu edukia sortu eta horrelako parajeak erakusteko. Bertako gastronomia ere erakusgai du bideo batean.

Hezkuntza-sektorean berehalako komunikazioa funtsezkoa da; hori dela eta, WhatsApp-eko tresna berriak baliagarriak izan daitezke. WhatsApp pertsonen arteko interakzioa sinplifikatzeko aplikazio baliotsua da, eta aplikazioak gehitu dituen tresna berriei esker gurasoen, irakasleen eta ikasleen arteko komunikazioa errazteko aukera berriak sortu dira.

Burutü agentziako lantaldetik ikastetxeetan WhatsApp tresnak optimizatzeko modu ezberdinak eskaintzen dizkizugu.

WHATSAPP KANALAK

WhatsApp-eko kanalek audientzia handiei mezuak zabaltzeko eta jarraitzaileei informazioa bidaltzeko balio dute. Ikastetxe bateko kanal bat sortzea ideia interesgarria izan daiteke, norabide bakarreko komunikazioa eskain baitezakegu. Hau da, ikastetxeak mezuak igorri ditzake baina harpidetuek ezin diete mezuei erantzun.

Ikastetxeak familientzat, ikasleentzat edota langileentzat zuzenduta dauden berriak edo informazioa zabaldu ahal izango du. Komunikazioa norabide bakarrekoa izan arren, mezuak irakurri, erreakzionatu eta partekatu egin daitezke.

Gainera, komunikazio-mekanismo honek pribatutasuna mantentzea ahalbidetzen du, inork ezin baitu kanala jarraitzen duten profilen informazio pertsonala ikusi. Era berean, kanalak ez dira txat pertsonalekin nahasten.

Hainbat enpresek, erakundek eta pertsona ezagunek aktibatu dute aukera berri hau dagoeneko. Horien artean Berria egunkaria edo Athletic Club aurkitzen dira, besteak beste.

HEDAPEN-ZERRENDAK

Hedapen-zerrendak informazioa masiboki komunikatzeko eta hainbat pertsonari mezuak aldi berean bidaltzeko tresna baliotsuak dira. Ikastetxeetan komunikazio eraginkorragoa lortzeko baliagarria izan daiteke.

Tresna honen bidez, kontaktuak kategoria espezifikoetan bana daitezke, hala nola, irakasleak, ikasleak eta familiak. Mezuak taldearentzat garrantzitsuak izatea eta nahasketak sortzea saihesten du, informazioa pertsona zuzenengana iritsiko dela bermatuz.

Ikastetxeak hedapen-zerrenda zehatz bat sor dezake, adibidez, iragarki garrantzitsuetarako, pertsonek informazioa azkar eta eraginkortasunez jaso dezaten. Funtsezkoa da ikastetxetik informazioa bidaltzeko baimena izatea.

KOMUNITATEAK

Beste tresna aipagarrietako bat komunitateen funtzioa da. Aukera honek komunikazio eta lankidetza errazten ditu, talde ezberdinak komunitate batean bilduz.

Komunitateen tresnak aukera ematen die ikastetxeei taldeak gaika antolatzeko, hala nola, eskolako ekitaldietan edo iragarki garrantzitsuetan. Mezu garrantzitsuak nabarmentzeko, iragarki nabarmenen funtzioa ere badu, eta horrek informazioa elkarrizketetan ez galtzea bermatzen du. Gainera, aukera ematen du bigarren mailako taldeak sortzeko komunitatearen barruan, gai espezifikoak xehetasunez eztabaidatzeko.

WhatsApp-eko hiru tresna berri hauek oso erabilgarriak izan daitezke ikastetxeetako komunikazioa hobetzeko, komunikazioa antolatuz, optimizatuz eta erraztuz. Zalantzarik gabe, hezkuntza-marketinean emaitzak optimizatzeko gertutik jarraitu beharreko aukerak dira hauek.

Argazkia: Business Insider España

Jarraitu Burutü agentziarekin komunikazioaren gaurkotasuna

Burutükideok astelehenero kafe batek irauten duen besteko solasalditxoak egiten ditugu.

Markagintza, publizitate-kanpainak, marketin digitala…. Hainbat eta hainbat izaten dira jarduten ditugun gaiak #AstelehenetakoKafea-n.

Komunikazio eta publizitatean diharduten profesionalentzat oso garrantzitsua izaten da arlo hauetako joera eta tendentzien inguruan eguneratuta egotea.

1.Komunikazioaren eraginkortasuna hobetzen du

Komunikazio- eta diseinu-joerak etengabe garatzen dira, eta garrantzitsua da horien berri izatea, komunikazio-estrategiak eraginkorrak eta erakargarriak izango direla ziurtatzeko bezeroei.

2. Sormena indartu

Tendentziak ezagutzeak ideia eta ikuspegi sortzaile berriak sor ditzake.

3. Profesionaltasuna hobetzen du

Joerei buruz eguneratuta egoteak, profesional konprometitua eta ezagutza eguneratuak dituena izatea ahalbidetzen du.

Astelehenero eduki original eta ezberdinak lantzen arituko gara. Bazatoz gurekin kafetxo bat hartzera? Jarraitu Burutüren sareak komunikazioaren gaurkotasuna jarraitzeko

@burutustyle

Ostalaritza sektorean, marka modu estrategikoan kudeatzea geroz eta garrantzi gehiago izaten ari da. Josu Bergara publizista eta markagintzan adituak Leioako Ostalaritza Eskolan eskeini duen hitzaldi honetan, gai ugari jorratu dira: negozioen izenak, marken arkitektura, marka berri baten sorrera edo bezeroen fidelizazioa, besteak beste.

Ikasleek dinamika praktikoetan parte hartu dute, eguneroko adibideak aztertu eta burutü agentzian landutako proiektu arrakastatsuak ezagutu dituzte.

2021eko maiatza

Enpresa, elkarte zein erakundeentzat testuinguru digitalean marka zaintzea ezinbestekoa bihurtu da. SPRI Taldearekin elkarlanean antolatutako ikastaro honetan, marka mundu digitalean kudeatzeko formakuntza argia eta zehatza eskaintzen dugu.

Edukien estrategia definitzea, markaren tonua eta diskurtsoa koherentea izatea edo sare sozialetan publikoarentzat interesgarriak diren ekintzak sortzea. Gure ibilbide profesionalak ematen digun ikuspegi eraginkor eta praktikotik gai hauek eta beste batzuk jorratzen ditugu. Gainera, marketing digitalean eta markagintza kontsultoretzan espezializatutako agentzia garenez, adibide zehatzak eta kasu praktikoak erakusten ditugu.

2021eko otsaila – Online

Bic Bizkaian, teknologia eta bio-osasun sektoreko startup eta ekintzaileentzat espezializatutako inkubagailuan, Marketing Digitalari eta Brandinari buruzko prestakuntza pertsonalizatua eskaini dugu, parte hartu duten 10 enpresa bakoitzarentzat Social Media Plan bat garatzeko helburuarekin.

Startup-en ekosistema aldakor honetan, osasun-egoera eta digitalizazioarengatik nabarmenduta ikusi dena, marka balio handiko aktibo digital gisa lantzea izan da ardatz nagusietako bat. Baita haien sektorearen estrategia, tresna eta kanal espezifikoetan sakontzea ere.

2020ko urria / 2021eko otsaila