Marketin digitala eta edukien kudeaketa – 2024ko martxoan

Marketin digitala eta edukien kudeaketa – 2024ko martxoan

2024ko martxoan, EHUko Publizitate eta Harreman Publikoetako eta Kazetaritzako graduetako ikasleei marketin digitalean eta edukien kudeaketan prestakuntza berezia eman diegu.
Adibide praktikoetan oinarritu dugu Leioako (Bizkaia) campuseko komunikazio-fakultatean eskainitako prestakuntza hau. Eduki eta gai horietako batzuk: marketin digitalerako plana, marka-estrategiak eta branded content sortzeko estrategiak, publiko objektiboen definizioa, buyer pertsona eta customer journey kontzeptuak, sustapen- eta biralizazio-estrategiak, emaitzen azterketa eta neurketa, besteak beste.

Martxoa 2024

 

Markagintza eta marketin digitaleko Startup teknologikoentzako formakuntza – 2023ko urritik 2024ko martxora

Markagintza eta marketin digitaleko Startup teknologikoentzako formakuntza – 2023ko urritik 2024ko martxora

Burutü agentzian, 5. urtez jarraian, markagintza eta marketin digitaleko estrategiari buruzko prestakuntza espezializatua eman dugu sektore farmazeutiko, biosanitario eta teknologikoko Startupentzat, BIC Bizkaia inkubagailuan (Zamudioko parke teknologikoan) BEAZen eskutik.

Hogeita hamar konpainia baino gehiagok parte hartu dute prozesu honetan, eta haiekin era pertsonalizatuan hausnarketa estrategikoa egin dugu. Hilabete hauetan honakoetan lan egin dugu:

Markaren garrantzia konpainiaren balio estrategiko gisa, hazkunde-testuinguru dinamiko batean. Inbertsoreen errondak, teknologia disruptiboak, etab.

– Konpainiaren helburuekin bat datorren plan digitala nola aktibatu, lan-metodologia eraginkor baten bidez.

Eskerrik asko BEAZ eta prestakuntza honetan parte hartu duten pertsona eta Startup guztiei.

2023ko urria- 2024ko martxoa

 

Google tresnak marka eta komunikazio-estrategian integratzea – 2024ko otsaila

Google tresnak marka eta komunikazio-estrategian integratzea – 2024ko otsaila

Google Workspace ezagutzeko prestakuntza praktikoa. 2 orduz, Google-en inguruko tresnarik garrantzitsuenak ezagutu, aztertu eta optimizatzen ditugu.

Google-eko prestakuntza-ikastaro honetan, parte-hartzaileek hainbat tresna aztertzen dituzte; besteak beste, Gmail, Drive, Calendar eta Meet. Prestakuntza honek teoria eta praktika konbinatzen ditu, ikaskuntza integrala bermatuz. Ariketa praktikoen bidez, tresna hauek erabiltzeko trebetasun sendoak lortzen dira, eta, horiek eraginkortasunez erabiltzen ikasteaz gain, eguneroko lanean eraginkortasunez integratzen ere ikasten da.

Gainera, tresna hauek marka eta komunikazio-estrategian duten garrantzia azpimarratzen da. Markaren identitatea indartzeko, barne eta kanpo-komunikazioa hobetzeko eta taldeen arteko lankidetza optimizatzeko nola erabil daitezkeen azpimarratzen da, beti ere erakundearen helburu eta balioekin bat datorrela.

Labayru Fundazioari eskainitako prestakuntza.

Otsaila 2024

 

Burutü agentzian komunikazio estrategikoko eta markagintzako teknikari bila gabiltza

Burutü agentzian komunikazio estrategikoko eta markagintzako teknikari bila gabiltza

Burutü markagintza eta publizitate agentzian komunikazio estrategikoan eta markagintzan aritzeko teknikaria bilatzen ari gara. Laneratzea 2024ko martxoan izango litzateke, on line eta lanaldi osoan lan egiteko baldintzetan.

Oro har, komunikazioaren eta marketinaren arloan unibertsitateko gradua duen pertsona baten bila gabiltza, eta gutxienez sektorean lau urteko esperientzia duena.

Markagintza eta marka-estrategiak menderatzea, eta proiektuak modu independentean koordinatzeko gai izatea baloratzen dugu. Gure lantaldearen parte izateko pertsona arduratsu eta langile baten bila gabiltza, euskara maila altua duena eta ingelera menderatzen duena.

Antolaketa, talde-lana eta sormena baloratzen ditugu. Lanpostu honek ingurune dinamikoan formatzeko aukera ematen du, proiektu potente eta berritzaileetan parte hartuz.

Eskakizunak:

– Marketing, Publizitatea, Komunikazioa edo Enpresagintzan gradua izatea.
– Markagintza eta komunikazio estrategian aditua izatea.
– Lau urteko esperientzia antzeko lanpostuetan.
– Enpresa eta erakundeen komunikazioa kudeatzeko ezagutzak.
– Publizitatea eta komunikazio korporatiboa ondo menperatzea.
– Hizkuntzak: Euskara (goi maila) eta ingelera.
– Gidabaimena eta ibilgailu propioa izatea.

Gaitasunak:

– Proiektuak zuzenean kudeatzen jakitea. Lantaldeen antolakuntza bideratzeko gaitasuna.
– Markak eta komunikazio proiektu korporatiboen gaineko hausnarketa estrategikoak gauzatzea.
– Hainbat proiektu aldi berean kudeatzeko gaitasuna.
– Oso ondo idaztea, zuzentasun gramatikala eta ortografikoa zaintzea.
– Pertsona arduratsua, metodikoa eta autonomoa izatea.

Lanpostuaren erantzukizunak:

– Markagintza proiektuen kudeaketa.
– Marka estrategiak proposatzea eta gauzatzea.
– Komunikazio plangintza korporatiboak sortu eta exekutatzea.
– Marka aholkularitza proiektuak zuzentzea.
– Publizitatea eta komunikazio kanpainen exekuzioa bideratzea.
– Bezero eta proiektuen kudeaketa.
– Komunikazio estrategikoan taldeen formakuntza egitea.
– Proiektuen helburuak eta oinarriak ezartzea.
– Komunikazio helburuak betetzen direla zaintzea.

Baloratuko diren ezagutzak:

– Markagintza eta marka estrategia.
– Naming edo izengintza.
– Publizitate idazkera. Sormen estrategikoa.
– Gaitasun analitikoa.
– Proiektuen aurkezpenak jendeaurrean egiteko trebezia.
– Testuinguru digitalean ondo mugitzea eta komunikazio digitaleko tresnak kudeatzea.

Eskaintzen duguna:

– Markagintza eta Publizitate agentziaren lantaldean integratzea.
– Etengabe hazten eta proiektu berritzaileak gauzatzen dituen enpresaren parte izatea.
– Lan giro bikaina.
– Lanaldia: osoa.
– Profesionalaren profilaren arabera egokituko den soldata.
– Laneratzeko data: 2024ko martxoa.
– Online lan egiteko aukera.

Aurreko baldintzak betetzen badituzu eta Burutü agentzian lan egiteko prest bazaude, bidaliguzu zure CVa aupa[abildua]burutu.eus helbide elektronikora.

    Burutü agentzian marketing digitaleko teknikari bila gabiltza

    Burutü agentzian marketing digitaleko teknikari bila gabiltza

    Burutü markagintza eta publizitate agentzian marketing digitalean aritzeko teknikaria bilatzen ari gara. Laneratzea 2024ko martxoan izango litzateke, on line eta lanaldi osoan lan egiteko baldintzetan.

    Oro har, komunikazioaren eta marketinaren arloan unibertsitateko gradua duen pertsona baten bila gabiltza, eta gutxienez sektorean hiru urteko esperientzia duena.

    Marketing digitala eta komunikazio-estrategiak menderatzea, eta proiektuak modu independentean koordinatzeko gai izatea baloratzen dugu. Gure lantaldearen parte izateko pertsona arduratsu eta langile baten bila gabiltza, euskara maila altua duena eta ingelera menderatzen duena.

    Antolaketa, talde-lana eta sormena baloratzen ditugu. Lanpostu honek ingurune dinamikoan formatzeko aukera ematen du, proiektu potente eta berritzaileetan parte hartuz.

    Eskakizunak:

    – Marketing, Publizitatea, Komunikazioa edo Enpresagintzan gradua
    – Marketing digitalean masterra izatea baloratuko da.
    – Hiru urteko esperientzia antzeko lanpostuetan.
    – Marketing digitala eta Komunikazioa ondo menperatzea.
    – Hizkuntzak: Euskara (goi maila) eta ingelera.

    Gaitasunak:

    – Marketing digitala menperatzea.
    – Proiektuak zuzenean kudeatzen jakitea.
    – Independentea eta langilea izatea.
    – Oso ondo idaztea, zuzentasun gramatikala eta ortografikoa zaintzea.
    – Pertsona arduratsua, txukuna, metodikoa eta autonomoa izatea.

    Lanpostuaren erantzukizunak:

    – Marketing digitaleko proiektuen planteamendua eta garapena aurrera eramatea.
    – Proiektuaren arduradunekin batera, estrategiak aztertu eta definitzea.
    – Branded content estrategiak prestatu eta aurrera eramatea.
    – Social Media edukien sormena eta kudeaketa.
    – SEM eta Social Media Advertising kanpainak lantzea eta gauzatzea.
    – Marketing digitaleko proiektuen jarraipen txostenak prestatzea.
    – SEO ezagutzak. Bilatzaileetan posizionamendurako estrategiak prestatzea.
    – Webguneen analitika txostenen jarraipena egitea.
    – Proiektuen helburu kuantitatibo eta kualitatiboak betetzea.

    Baloratuko diren ezagutzak:

    – Hootsuite.
    – Google adwords.
    – E-mailing (mailchimp).
    – Google Analytics.
    – Metricool.
    – WordPress.
    – E-Commerce.

    Eskaintzen duguna:

    – Publizitate agentziaren lantaldean integratzea.
    – Etengabe hazten eta proiektu berritzaileak gauzatzen dituen enpresaren parte izatea.
    – Lan giro bikaina.
    – Lanaldia: osoa.
    – Profesionalaren profilaren arabera egokituko den soldata.
    – Laneratzeko data: 2024ko martxoa.
    – Online lan egiteko aukera.

    Aurreko baldintzak betetzen badituzu eta Burutü agentzian lan egiteko prest bazaude, bidaliguzu zure CVa aupa[abildua]burutu.eus helbide elektronikora.