HEZKUNTZA-MARKETINA – IKA EUSKALTEGIA
IKA te lo explika. Hizkuntza ulertuz, euskara ikasi.
Erronka 2024-2025 ikasturteko matrikulazioa sustatzeko publizitate-kanpaina berezia eta erakargarria sortzea.
IKA Euskaltegiak 30 urte baino gehiago euskara eta prestakuntza eskolak ematen daramatzan Araba, Nafarroa eta Errioxako euskaltegien sarea da.
Hirugarren urtez jarraian, IKA Euskaltegiak Burutü agentzian konfiantza jarri du, aurrez zehaztutako komunikazio-helburuei erantzungo dien publizitate-kanpaina integrala garatzeko.
Publizitate-kanpaina integrala · Komunikazio-estrategia
Soluzioa: marka publizitate-estilo berri batera eraman dugu, haren ospea indartuz eta ikasleen erakarpena handituz
Ideia sortzailea: irtenbide sortzailea eta bereizgarria
Gaur egungo merkatuaren azterketa egin eta sektorearen beharrak entzun ondoren, kanpainarako estrategia berri bat definitu genuen, IKA Euskaltegietan ikastean ikasleen emozioak transmititzeko helburuarekin.
Ikuspegi positibo berri bat eraiki genuen, xede-publikoa interpelatuz. Ikasleek euskara ikastean izaten dituzten zalantza ohikoenak tonu umoretsuan deskribatu genituen, eta irtenbidea eman genien: “IKA te lo explika. Hizkuntza ulertuz, euskara ikasi.”
Kanpaina global garatu genuen, hainbat komunikazio-euskarrirekin, Gasteiz eta Iruñeako hirietan. Mezuak komunikazio-euskarri guztietarako pertsonalizatu eta egokitu genituen: ikus-entzunezko piezak, kanpoko publizitatea autobus eta tranbietan, markesinak eta hiri-altzariak, hedabide digitaletako txertaketak, Social Mediaren estrategia, merchandisinga, kartelak, diptikoak eta karpetak.
Irailean eta urrian zehar IKA Euskaltegietarako egindako publizitate kanpainak presentzia nabarmena izan du kaleetan.
Aurtengo kanpainarako, ikus-entzunezko pieza sortzaile, moderno eta berritzaile bat egitea erabaki genuen. FOOH (Fake Out Of Home) bat asmatu genuen, ikus-entzunezko lengoaia berri bat, efektu bereziak protagonista dituena.
Markaren nortasun korporatiboa ahaztu gabe eta ikus-entzunezkoen arloko egungo tendentziei jarraituz, publikoarekin konektatzeko sortutako ikus-entzunezko pieza bat egin genuen. Bertan, Gasteizko eta Iruñeako kokapen ezagunenetan olana bat agertzen da.
Emaitzak
Kanpainak IKA Euskaltegien komunikazio- eta publizitate-estiloa aldatu du, eta aurrez zehaztutako matrikulazio-datuak nabarmen hobetu ditu. Halaber, Gasteizko eta Iruñeako kaleaetan notorietate handia lortu du markak.