Markagintza eta marketin digitaleko Startup teknologikoentzako formakuntza – 2023ko urritik 2024ko martxora

Markagintza eta marketin digitaleko Startup teknologikoentzako formakuntza – 2023ko urritik 2024ko martxora

Burutü agentzian, 5. urtez jarraian, markagintza eta marketin digitaleko estrategiari buruzko prestakuntza espezializatua eman dugu sektore farmazeutiko, biosanitario eta teknologikoko Startupentzat, BIC Bizkaia inkubagailuan (Zamudioko parke teknologikoan) BEAZen eskutik.

Hogeita hamar konpainia baino gehiagok parte hartu dute prozesu honetan, eta haiekin era pertsonalizatuan hausnarketa estrategikoa egin dugu. Hilabete hauetan honakoetan lan egin dugu:

Markaren garrantzia konpainiaren balio estrategiko gisa, hazkunde-testuinguru dinamiko batean. Inbertsoreen errondak, teknologia disruptiboak, etab.

– Konpainiaren helburuekin bat datorren plan digitala nola aktibatu, lan-metodologia eraginkor baten bidez.

Eskerrik asko BEAZ eta prestakuntza honetan parte hartu duten pertsona eta Startup guztiei.

2023ko urria- 2024ko martxoa

 

Google tresnak marka eta komunikazio-estrategian integratzea – 2024ko otsaila

Google tresnak marka eta komunikazio-estrategian integratzea – 2024ko otsaila

Google Workspace ezagutzeko prestakuntza praktikoa. 2 orduz, Google-en inguruko tresnarik garrantzitsuenak ezagutu, aztertu eta optimizatzen ditugu.

Google-eko prestakuntza-ikastaro honetan, parte-hartzaileek hainbat tresna aztertzen dituzte; besteak beste, Gmail, Drive, Calendar eta Meet. Prestakuntza honek teoria eta praktika konbinatzen ditu, ikaskuntza integrala bermatuz. Ariketa praktikoen bidez, tresna hauek erabiltzeko trebetasun sendoak lortzen dira, eta, horiek eraginkortasunez erabiltzen ikasteaz gain, eguneroko lanean eraginkortasunez integratzen ere ikasten da.

Gainera, tresna hauek marka eta komunikazio-estrategian duten garrantzia azpimarratzen da. Markaren identitatea indartzeko, barne eta kanpo-komunikazioa hobetzeko eta taldeen arteko lankidetza optimizatzeko nola erabil daitezkeen azpimarratzen da, beti ere erakundearen helburu eta balioekin bat datorrela.

Labayru Fundazioari eskainitako prestakuntza.

Otsaila 2024

 

Branding eta Social Media Marketing arlo biosanitarioko eta sektore teknologikoko Startup-entzat – Urtarrila 2024 / Maiatza 2024

Branding eta Social Media Marketing arlo biosanitarioko eta sektore teknologikoko Startup-entzat – Urtarrila 2024 / Maiatza 2024

Startup-ak dinamismo handiko ingurune batean garatzen dira, beraz, ezinbestekoa da, tresna egokiak erabilita eta behar bezala landutako estrategia sendoa landuta, euren marka hazi eta garatzea. Horrez gain, funtsezkoa da Branding-a ingurune digitalean lantzea.

Premisa horrekin, beste urte batez, BEAZ-entzat, Startups BIC Bizkaia mintegian, Branding eta Marketing digitaleko prestakuntza pertsonalizatua eskaini diegu arlo biosanitarioko eta sektore teknologikoko enpresei, horietako bakoitzak Social Media Plan propio bat ezarri dezan.

Urtarrila 2022 – Maiatza 2022

Marketin digitala eta edukien kudeaketa – 2023ko martxoan

Marketin digitala eta edukien kudeaketa – 2023ko martxoan

2023ko martxoan, EHUko Publizitate eta Harreman Publikoetako eta Kazetaritzako graduetako ikasleei marketin digitalean eta edukien kudeaketan prestakuntza berezia eman diegu.
Adibide praktikoetan oinarritu dugu Leioako (Bizkaia) campuseko komunikazio-fakultatean eskainitako prestakuntza hau. Eduki eta gai horietako batzuk: marketin digitalerako plana, marka-estrategiak eta branded content sortzeko estrategiak, publiko objektiboen definizioa, buyer pertsona eta customer journey kontzeptuak, sustapen- eta biralizazio-estrategiak, emaitzen azterketa eta neurketa, besteak beste.

Martxoa 2023

 

TikTok marketing – 2023ko martxoa

TikTok marketing – 2023ko martxoa

TikTok modako sare sozialak eskaintzen dituen aukerak ezagutzera zuzendutako prestakuntza dugu hau. Lau orduz, plataformaren oinarrizko kontzeptuak jorratu genituen, baita edukia sortzeko, kanpainak aktibatzeko eta emaitzak neurtzeko tresnak ere, besteak beste.

Prestakuntza TikTok-eko kontzeptuen eta hizkuntzaren azalpen labur batekin hasi zen. Ezinbesteko atala dugu hau sare horretan estrategia bat burutzeko, izan ere, orain arte ezarritako dinamika asko hausten ditu. Ondoren, edukiak biralizatzeko beharrezkoak diren atal guztiak ezagutu genituen: traolak, trend-ak, audioak… Gainera, kanpaina aktibatzeko simulazio bat egin genuen eta, ondoren, lortutako emaitzak neurtu genituen.
SPRI Taldearen Enpresa Digitalaren esparruan online emandako prestakuntza dugu ikastaro hau.

Martxoa 2023

 

Linkedin, marka korporatiboa lantzeko estrategiak (online) – Otsaila eta maiatza 2022

Linkedin, marka korporatiboa lantzeko estrategiak (online) – Otsaila eta maiatza 2022

Ikastaro praktiko honetan Linkedin-ek, erreferentziazko sare sozial profesionalak, eskaintzen dituen aukerak ezagutuko ditugu. 4 orduz sare honetako tresnak ezagutu, ikasi eta optimizatuko ditugu.

Sare sozialen testuinguruaren laburpen batekin hasita, profil pertsonal bat eta orri korporatibo bat nola sortzen, kudeatzen eta finkatzen diren ezagutuko dugu, betiere ingurune digitalean marka landuz. Gainera, Linkedin Ads, Linkedin Talent Solutions eta Linkedin Recruiter bezalako tresnak aztertuko ditugu.

SPRI Taldearen Enpresa Digitalaren esparruan online emandako prestakuntza dugu ikastaro hau.

 

2022ko otsaila