Gure Bilboko bulegoaren kanpoaldean Burutüren espiritua mantentzen duen horma-irudi berria dugu orain dela aste batzuetatik, originala eta desberdina.
2021ean gure nortasun grafikoa berritu genuen, grafika malgu, moldagarri, arin eta adimentsua sortuz. Bezeroei, hornitzaileei eta partnerrei kontsulta egin ondoren, branding-hausnarketa estrategiko batetik abiatuta diseinatu genuen ikus-identitate moderno hau.
Errotulazio nagusitik eta kanpoko pertsianetatik hasita, 2022an gure Bilboko bulegoa berritzeko erabakia hartu dugu.
Horretarako, TOMO estudio-ren laguntza izan dugu. Gure grafiko korporatibotik abiatuta eta Burutüren espiritu sortzaile eta digitalean oinarrituta, horma-irudia garatu dute gure bulegoetako kanpoko pertsianetan.
“Egunero sormena lantzen” leloak gure agentzia-filosofiari egiten dio erreferentzia. Burutüko taldean uste dugu sormena egunez egun lantzen dela, joera kultural berriak arakatuz, eta ideia eta proiektu artistiko berritzaileetan eta gure sektoreko jardunbide onenetan inspiratuz.
Hainbat izan dira unibertso birtual paraleloaren inguruan sortu diren espekulazioak Mark Zuckerberg-ek metabertsoaren aldeko apostua iragarri zuenetik. Baina, zertan datza metabertsoa?
Zer da metabertsoa?
Metabertsoaunibertso birtual paralelo bat da, non esperientzia murgiltzaileak bizitzen diren. Egungo sare sozialen bilakaera bat, alegia.
Unibertso birtual honetan murgiltzeko ezinbestekoak izango dira teknologia berriak; hala nola, betaurreko birtualak edo agian oraindik ezagutzen ez ditugun osagarriak. Metabertsoak eskaintzen dituen aukerak bizi ahal izateko, abatar bat sortu beharko da; mundu birtualeko gure alter egoa.
Metabertsoa bi munduren arteko fusioa izango da: digitala eta fisikoa.
Metabertsoan aukerak: gure markaren publizitatea eta komunikazioa garatzeko bide berriak
Metabertsoa gure egunerokoan errealitate gisa finkatzen denean, gaur egun Internet bezala ezagutzen dugunaren oinordekoaren aurrean egongo gara.
Kontzertuak, lan-bilerak, hitzaldiak edo erosketak egin ahal izango ditugu. Mundu fisikoan gozatzen ditugun esperientziez gozatzea da metabertsoaren helburua.
Marka eta konpainia handiak metabertsoaren aldeko apustua egiten hasi dira. Microsoft-ek, Google-k eta Amazon-ek ez ezik, Zara, Adidas, Nike edo Gucci bezalako moda-marka finkatuek ere metabertsoan edizio mugatuko aktiboak edo artikuluak eskaini dituzte.
Kataluniak bere metabertsoa sortu du, CatVers, katalan kultura eta euren hizkuntza sustatzeko helburuarekin. Momentuz, bilerak ospatzeko gunea bada ere, otsailean zehar arte erakusketak antolatuko dira eta urte amaierarako kanpus unibertsitario bat egitea dute xede.
Baina nork daki, beharbada hemendik eta denbora gutxira, Burutü Agentziako bilerak, mundu fisikoan ez ezik mundu digitalean ere ospatu ahal izango ditugu.
WhatsApp egunero erabiltzen dugun mezu zuzenen sare soziala da, eta enpresa askorentzat bezeroekin kontaktatzeko kanal oso interesgarria. Horregatik, aplikazio honen sortzaileek WhatsApp Business bertsioa sortu zuten, enpresentzat pentsatuta dagoena.
Burutü lantaldean WhatsApp-en bi bertsioen ezberdintasunak aztertzen egon gara, Business bertsio honek dituen abantailak ezagutzeko. Abantaila nagusienen artean enpresaren profila sortu daitekeela aurkitzen dugu; izan ere, profil honetan enpresaren inguruko informazio baliotsua partekatu daiteke: helbidea, negozioaren deskribapena, ordutegia, e-maila eta webgunearen esteka. Hala ere, WhatsApp Business honek baditu beste zenbait berezitasun gehiago ere:
WHATSAPP BUSINESS: EZAUGARRI BEREZIAK
1.Mezu automatikoa
Kontaktu berri batek edo 14 egunez mezurik bidali gabe egon den kontaktu batek mezu berri bat bidaltzerakoan agurtzeko mezu automatiko bat jasotzen du. Mezu automatiko hau aktibatu edo desaktibatu daiteke, eta nahi den mezua idatzi daiteke.
2. Baliaezintasun mezua
Mezu hau ordutegi laboraletik kanpo edo opor egunetan erabiltzeko baliagarria da. Kasu horietan kontakturen bat mezu bat bidaltzen duenean, zuzenean momentu horretan ezin izango duela erantzunik izan jakinarazteko mezu bat jasoko du. Mezu honen adibidea honako hau izan daiteke: “Momentu honetan ezin dugu erantzun. Gure ordutegia astelehenetik ostiralera 10:00etatik 19:30etara da. Barkatu eragozpenak.”
3. WhatsApp kontuaren esteka
WhatsApp-en bertsio pertsonalean kontaktu bat beste bateri idazteko bere telefono zenbakia gordetzera behartuta dago. Aldiz, WhatsApp Business bertsioan, kontuaren esteka bat sortu daiteke eta webgunean edo sare sozialen bitartez partekatu daiteke. Horrela, erabiltzaileek estekan klik eginez, enpresari mezu bat bidali ahal izango dio telefono zenbakia gorde barik.
4. Bilaketa aurreratuko iragazkiak
Talde baten testuak, irakurri gabeko mezuak, hedapen-mezuak edo etiketa jakin bat duten txatak bilatzeko iragazkiak eskaintzen ditu WhatsApp-en bertsio honek.
5. Erantzun azkarrak
Zenbait negozioetan behin eta berriro bidali behar diren mezuak izatea suerta daiteke, esate baterako, ogi-denda batean ogi ezberdinen prezioak. Egunero mezu berdinak idazten ez egoteko, erantzun azkar batzuk presta daitezke.
Behin mezu horiek prest daudenean eta bezero bati erantzun hori eman behar zaionean, soilik “/” idatzi beharko da eta, agertzen diren mezuen artean, nahi den erantzuna aukeratu. Honek denbora asko aurrezteko aukera eskaintzen du.
6. Estatistikak
WhatsApp Business bertsioak estatistikak eskaintzen ditu, horien artean honako hauek aurkitzen ditugularik: bidalitako mezu kopurua, kontaktuek jasotako mezu kopurua, irakurritako mezu kopurua eta jasotako erantzun kopurua.
Bestetik, kontaktu bakoitzarekin sortu diren partekatze datu guztiak erakutsiko ditu, adibidez, zenbat mezu bidali diren, partekatu diren multimedia fitxategiak eta dokumentuak.
Ikus dezakegunez, beraz, WhatsApp Business bertsioak baditu enpresentzat interesgarriak eta egunerokotasunean baliagarriak diren zenbait funtzio.
Burutü agentziako talde kreatiboak diseinatutako poltsa bat lortu nahi duzu?
Uda iritsi da eta urtero lez burutü agentziako talde kreatiboak bezeroentzat, hornitzaileentzat eta gure egunerokoan bidelagun ditugun pertsona askorentzat opari erabilgarri eta originala diseinatu du.
Talde kreatiboak diseinatutako poltsa bat nahi baldin baduzu, eskatu iezaguzu zurea sare sozialen bitartez (agortu arte).
Kotoi organikoz eta ekologikoz eginiko tote bag-a da hau. Honako hitz hauek islatzea erabaki dugu: “Batzuetan, ikustea baino, begiratzen jakitea garrantzitsuagoa da”.
Gure proiektuetan maiz erabiltzen dugun esaldia da hau, neurri batean komunikazio eta marka estrategiaren aholkularitzan egiten dugun lan filosofia laburbiltzen duelako. Askotan, enpresekin zein erakundeekin proiektuak hasterakoan komunikazio ekintzen eta publizitate kanpainen esparruan ibilbide luzea dutela ikusten dugu, baina epe luzera jarraibide zehatzak eta helburuak identifikatzen dituen estrategia falta da. Burutü agentzian ibilbide zehatza sortzeko erakunde hauetako arduradunekin buruz buru aritzen gara, euren helburuak lortzeko lagungarri izango dituzten indikatzaile eta metodologiak zehaztuz.
Uda on bat pasa dezazuen opa dizuegu. Zoriontsuak izan!
Cookieen baimena kudeatzea
Aupa! Burutü webgunean cookiak laberatu berriak daude, eta eskaintzen dizkigun hauek gure webgunean izango duzun esperientzia hobetuko dute. Bat onartzen baduzu, nabigazio-portaera edo gune honetako identifikazio bakarrak bezalako datuak prozesatzeko aukera emango diguzu.
Funcional
Always active
El almacenamiento o acceso técnico es estrictamente necesario para el propósito legítimo de permitir el uso de un servicio específico explícitamente solicitado por el abonado o usuario, o con el único propósito de llevar a cabo la transmisión de una comunicación a través de una red de comunicaciones electrónicas.
Preferences
The technical storage or access is necessary for the legitimate purpose of storing preferences that are not requested by the subscriber or user.
Estadísticas
The technical storage or access that is used exclusively for statistical purposes.El almacenamiento o acceso técnico que se utiliza exclusivamente con fines estadísticos anónimos. Sin un requerimiento, el cumplimiento voluntario por parte de tu proveedor de servicios de Internet, o los registros adicionales de un tercero, la información almacenada o recuperada sólo para este propósito no se puede utilizar para identificarte.
Marketing
El almacenamiento o acceso técnico es necesario para crear perfiles de usuario para enviar publicidad, o para rastrear al usuario en una web o en varias web con fines de marketing similares.
