Burutü agentziarekin urratsez urrats

Burutü agentziarekin urratsez urrats

Burutü agentzian uste dugu marken arrakasta helmugara iristea baino gehiago dela, bidea egiteko modua. Guretzat proiektu bakoitza erronka berri bat da, eta egoera bakoitzera egokitzen gara emaitzarik onenak lortzeko.

Horrela, pauso bakoitzean, gurekin lan egin duten markekin batera ibilbide sendo bat eraiki dugu urte guzti hauetan zehar.

Gure balio eta ideia horiei jarraiki, aurten Burutü agentziaren galtzerdiak sortu ditugu, duela hamalau urte hartutako konpromisoaren ikur gisa.

500 marka baino gehiagorekin ibili gara jada bidez bide, gure markagintzako eta komunikazioko aholkularitza estrategikoari esker euren helburuak lortzen lagunduz. Ibilbidean bidelagun gure bezero eta kide guztiekin.

Zuen pausoak gureak ere badira. Mila esker bidea gurekin egiteagatik!

14 urtez ibilbidean bidelagun

14 urtez ibilbidean bidelagun

Duela 14 urte abiatu genuen Burutü agentziaren ibilbidea, komunikazio estrategikoaren bidez marken nortasuna indartzeko asmoz. Sormena, markagintza eta publizitatearekiko pasioz betetako bidaia izan da, lantalde gogotsu baten konpromisoari, gure bezeroen laguntzari eta hainbat sektoretako markekin —kultura, teknologia, hezkuntza, kirola, turismoa edota zientzia — partekatutako lanari esker posible izan dena.

14 urtez ibilbidean bidelagun: denbora honetan zehar 500 proiektu baino gehiago garatu ditugu markagintzaren eta komunikazio estrategikoaren arloan. Kanpainak, marka-estrategiak, nortasun digitala, offline presentzia…

Lehen eguneko ilusio berarekin jarraitzen dugu etorkizunerako ibilbidea sortzen. Eskerrik asko gurekin ibili zareten guztioi! Proiektu eta erronka berriei aurre egiten jarraituko dugu beste urte askoan zehar, eta zuekin batera emango ditugu urrats berriak.

2025eko PesMes saria Burutü agentziarentzat

2025eko PesMes saria Burutü agentziarentzat

Burutü agentzian oso pozik eta eskertuta gaude 2025eko PesMes saria jaso dugulako “360ºko komunikazio kanpaina” kategorian, IKA Euskaltegiarentzat garatutako “Entrena tu euskera. Sartu dinamIKAn” kanpainagatik.

Kanpaina markaren matrikulazioa bultzatzeko sortu zen, ikuspegi originalarekin: euskararen ikaskuntza entrenamendu gisa aurkeztea, umorea eta 80ko hamarkadako estetika retro bat erabiliz.

Komunikazio estrategia integral baten bidez, publikoarekin emozionalki konektatzea eta euskararen irudi freskoa eta hurbila eskaintzea lortu dugu. Kanpainak inflexio-puntu izan da IKA Euskaltegiaren komunikazioan, aurreikusitako helburuak aise gaindituz eta Gasteizko eta Iruñeko kaleetan presentzia eta notorietate nabarmena lortuz.

Aintzatespen honek komunikazio, marketing eta publizitatearen arloan ikuspegi integrala, berritzailea eta eraginkorra duten proiektuak aitortzen ditu, eta gure lantaldearentzat poztasun handia da, egindako komunikazio-lan integrala saritzen baitu.

Sari hau Burutü eta IKA Euskaltegiaren arteko elkarlanaren, konfiantzaren eta inspiratzen, konektatzen eta eraldatzen duen komunikazioaren aldeko apustuaren isla da. Eskerrik asko beste behin ere Burutü agentzian konfiantza izateagatik eta PesMes-eko epaimahaiari gure lana aintzat hartzeagatik.

Burutü agentzian diseinatzaile grafiko bila gabiltza

Burutü agentzian diseinatzaile grafiko bila gabiltza

Diseinatzaile grafikoa. Lan eskaintza.

BURUTÜ markagintza eta publizitate agentzian diseinua eta sormen sailean arituko den lankide berria bilatzen ari gara.

Izaera:

  • Sortzailea izatea. Ideiei hamaika buelta emateko gogoa eta ilusioa izatea.
  • Publizitatea, irudigintza eta diseinua maitatzea.
  • Ikasi eta etengabean hobetzeko prest egotea.
  • Diseinu grafikoa eta marka estrategien garapena menperatzea.
  • Proiektuak oso ondo antolatzea.
  • Eraginkorra. Pentsatu eta egin.

Zer eskatzen dugu:

  • Diseinatzaile grafiko lanetan esperientzia izatea.
  • Tresna zein programa ezberdinak menperatzea: Illustrator, InDesign, Photoshop, beste batzuen artean.
  • Diseinu digitalerako oinarriak eta ezagutza jasoak.
  • Diseinu grafikoa, Publizitatea, Komunikazioa, Marketina, Arte Ederrak edo antzeko ikasketak izatea.

Zer egingo duzu:

  • Marka nortasunak eta marka gidaliburuen sorkuntza.
  • Publizitate kanpainen diseinua eta sormen grafikoa.
  • Irudigintza orokorra marka estrategia korporatiboetarako.
  • Edukien sormena eremu digitalerako.
  • Sormen eta markagintza prozesuak garatu.

Baloratuko diren ezagutzak:

  • Taldelanean aritzeko gaitasuna.
  • Lan esperientzia.
  • Pertsona arduratsua, metodikoa eta autonomoa izatea.
  • Euskara eta euskal kultura ezagutzea.

Eskaintzen duguna:

  • Markagintza eta Publizitate agentziaren lantaldean integratzea.
  • Soldata lehiakorra. Esperientziaren arabera egokituko dena.
  • Etengabe hazten eta proiektu berritzaileak gauzatzen dituen enpresaren parte izatea.
  • Lanaldia: osoa. [37,5 ordu astean].
  • Ordutegi malgua.
  • Kontratu finkoa.
  • Lan giro atsegina.
  • Udan eta egun berezietan goizez bakarrik lan egiten dugu.
  • Formakuntza plana.
  • Burutü agentzian %100 online lan egiten dugu. Batzuetan elkartzen gara, baina orokorrean, zure etxetik egiteko aukera izango zenuke.
  • Laneratzeko data: 2025eko otsaila-martxoa.

Aurreko baldintzak betetzen badituzu eta Burutü agentzian lan egiteko prest bazaude, bidaliguzu zure CVa gure helbide elektronikora.

    Burutü agentzian bezero eta proiektuen kudeatzailea bila gabiltza

    Burutü agentzian bezero eta proiektuen kudeatzailea bila gabiltza

    Bezero eta proiektuen kudeatzailea – Komunikazioa/Publizitatea

    BURUTÜ markagintza eta publizitatea agentzian Komunikazio estrategikoan eta markagintzan aritzeko bezeroen eta proiektuen kudeatzailea bilatzen ari gara.

     

    Eskakizunak:

    • Marketing, Publizitatea, Komunikazioa edo Enpresagintzan gradua izatea.
    • Markagintza eta komunikazio estrategian aditua izatea.
    • Gutxienez, hiru urteko lan esperientzia antzeko eginkizunetan.
    • Enpresa eta erakundeen komunikazioa kudeatzeko ezagutzak.
    • Publizitatea eta komunikazio korporatiboa ondo menperatzea.
    • Hizkuntzak: Euskara (goi maila) eta ingelera.
    • Gidabaimena eta ibilgailu propioa izatea.

    Gaitasunak:

    • Proiektuak zuzenean kudeatzen jakitea. Lantaldeen antolakuntza bideratzeko gaitasuna.
    • Markak eta komunikazio proiektu korporatiboen gaineko hausnarketa estrategikoak gauzatzea.
    • Hainbat proiektu aldi berean kudeatzeko gaitasuna.
    • Oso ondo idaztea, zuzentasun gramatikala eta ortografikoa zaintzea.
    • Pertsona arduratsua, metodikoa eta autonomoa izatea.

    Lanpostuaren erantzukizunak:

    • Markagintza proiektuen kudeaketa. Marka estrategiak proposatzea eta gauzatzea.Komunikazio plangintza korporatiboak sortu eta exekutatzea. Marka aholkularitza proiektuak zuzentzea.
    • Publizitatea eta komunikazio kanpainen exekuzioa bideratzea.
    • Bezero eta proiektuen kudeaketa.
    • Komunikazio estrategikoan taldeen formakuntza egitea. Proiektuen helburuak eta oinarriak ezartzea.
    • Komunikazio helburuak betetzen direla zaintzea.

    Baloratuko diren ezagutzak:

    • Markagintza eta marka estrategia.
    • Naming edo izengintza.
    • Publizitate idazkera. Sormen estrategikoa.
    • Gaitasun analitikoa
    • Proiektuen aurkezpenak jendeaurrean egiteko trebezia.
    • Testuinguru digitalean ondo mugitzea eta komunikazio digitaleko tresnak kudeatzea.

    Eskaintzen duguna:

    • Markagintza eta Publizitate agentziaren lantaldean integratzea.
    • Etengabe hazten eta proiektu berritzaileak gauzatzen dituen enpresaren parte izatea.
    • Lan giro bikaina.
    • Lanaldia: osoa.
    • Profesionalaren profilaren arabera egokituko den soldata.
    • Laneratzeko data: 2024ko iraila/urria.
    • Online lan egiteko aukera.

    Aurreko baldintzak betetzen badituzu eta Burutü agentzian lan egiteko prest bazaude, bidaliguzu zure CVa aupa[abildua]burutu.eus helbide elektronikora.