Adimen artifizialaren integrazioa sektorea berrikuntza teknologikoetara nola egokitu den erakusten duen adibide bat da.

Burutü agentzian erabilgarriak izan daitezkeen markagintza eta komunikazio estrategikoko adimen artifizialeko 10 tresna bildu ditugu:

Edukia sortzeko adimen artifizialeko tresnak:

1. Synthesia

Bideo-formatua gero eta garrantzitsuagoa da, eta joera hori are gehiago handitu da sare sozialak sortzearekin batera.

Plataforma honek edukiak sortzen laguntzen du, aurpegi errealistak duten avatarrak eta hizkuntza naturala diseinatuz, bideo errealistak azkarrago lortzeko. Tresna interesgarria da, adibidez, bideo argigarriak edo tutorialak grabatzeko.

2. Jasper

Jasper blogeko artikuluak, sare sozialetako argitalpenak eta mezu elektronikoak idazten laguntzen duen tresna da. Edukiak automatikoki sortzen eta optimizatzen ditu eta txantiloien bidez idazten ditu, 25 hizkuntzatan ere egiteko gai izanik. Gainera, iritziak eta edukiak aztertzeko eta pertsonalizatzeko funtzioak ditu.

3. Copy.Ai

Plataforma honek edozein eduki mota sortzen laguntzen du, hala nola iragarkiak, blogak, postak, produktuen deskribapenak edo emailak. Sormena sustatzen du, copy-ak sortzeko prozesua bizkortu eta arintzea ahalbidetuz.

4. Flair

Marka-edukia sortzeko diseinu-tresna bat da. Halaber, produktuen logotipoak eta irudikapenak sortzeko gai da. Bere funtzioa edozein produktutarako irudi errealista bat sortzea da, profesional bakoitzak idazten duen deskribapenaren arabera.

Plataformak sortu dituen irudiak aldatzeko tresnak ere baditu, hala nola ezabatze magikoa, geruzak edo hondoak kentzea.

5. AI Suggests

AI Suggest-ek jatorrizko eduki eta ideiak sortzen laguntzen digu, inspiraziorik gabe ez geratzeko. 20 txantiloi desberdin ditu eduki-ideiei, sare sozialetarako copy-ei edo produktuen deskribapenei buruz. Halaber, SEOrekin bateragarria den edukia sortzen du, eta edukiak posizionatzeko izenburuak, deskribapenak edo hitz gakoak sortzen ditu. 

Analisiak egiteko adimen artifizialeko tresnak:

1. NetBase Quid

Markak kudeatzen, negozioak sortzen eta kontsumitzaileekin konektatzen laguntzen duten analisi sozialak eskaintzen ditu.

Marken eta ikusleen arteko antzekotasunak bilatzeko diseinatuta dago. Horrela, enpresek ikus-entzuleen beharrak zeintzuk diren jakin dezakete. Adimen artifizialeko gainerako tresnak bezala, bilaketa- eta asmaketa-prozesua askoz ere azkarragoa da.

2. Crystal Knows

Plataforma honek pertsona ezberdinen nortasuna detektatzen laguntzen du, Interneten duen informazio publikoaren arabera. Informazio hori LinkedInetik, mezu elektronikoetatik eta sare sozialetako argitalpenetatik lortzen da, bese¡teak beste. Plataformak nortasuna aztertzen duenean, bezeroarekin elkarreragiteko gomendioak ematen ditu.

3. NameSnack

NameSnackek enpresei laguntzen die bilatzaileetan eskuragarri dauden marka-izenak eta domeinuak sortzen. Izenak sortzen ditu plataformako bilatzailean sartzen ditugun gako-hitzen arabera.

Gainera, benetako enpresen milioika naming aztertzen ditu, horiek errepika ez daitezen, eta negozio-kategoriak bereizten ditu sorkuntza askoz arinagoa izan dadin.

SEO posizionamendua hobetzeko adimen artifizialeko tresnak:  

1. GrowthBarSeo

Webguneen posizionamendua hobetzeko SEO tresna bat da. Plataforma honek hainbat funtzio ditu blogetarako edo webguneetarako eskemak sortzeko, izenburuak, sarrerak edo goiburuak sortuz.

Gainera, hitz gakoen edo long tail hitzen iradokizunak eskaintzen ditu, hitz horien jarraipena egiteko eta lehiakideek zer egiten duten ikusteko.

2. Frase.io

Marketin digitaleko agentzia eta profesionalentzako plataforma bat da, proiektu bakoitzerako SEO edukiak ekoizten laguntzen duena.

Plataformak bilaketa emaitzak aztertzen ditu, eta, horrela, artikulu desberdinetarako gaiak aukeratzen laguntzen du, eta bilaketak iraun bitartean aurkitzen dituen webguneen laburpenak egiten ditu. Beraz, edukia hobetzeko prozesua arintzen du.