v

944 053 719

aupa@burutu.eus

Linkedin Recruiter: talentua erakartzea industria-sektorean

Linkedin Recruiter: talentua erakartzea industria-sektorean

Industria-sektorean, talentua erakartzea funtsezko lana da enpresek arrakasta izan dezaten. Testuinguru horretan, LinkedIn Recruiter ezinbesteko tresna bihurtu da kaptaziorako industria-sektorean, eta enpresek langile-perfil onenak identifikatu eta erakartzeko modua aldatu du.

Burutü agentziako lantaldean industria-arloan LinkedIn Recruiter-ek dituen gako eta abantailak laburtu ditugu.

Zer da LinkedIn Recruiter? 

LinkedIn-ek, profesionalen eta enpresen sare sozialak, enpleguaren bilaketa era aldatu du, eta enpresek talentu egokia aurkitzeko eta honekin konektatzeko modua birdefinitu du.

LinkedIn Recruiter-en hutsik dauden lanpostuetarako pertsona egokiak hautatzeko eta biltzeko, enpresek erabiltzen duten tresna da.

LinkedIn Recruiter-ek industria-sektorean dituen abantaila eta funtzio nagusiak

1. Industriako profesionalen bilaketa espezializatua

LinkedIn Recruiter-ek bilaketa oso espezializatuak egiteko aukera ematen du. Bilaketa horiek pertsonalizatzeko iragazki edo filtro aurreratuen erabilera egin daitaiteke. Gaitasun teknikoen, industriako esperientziaren, ziurtagiri espezifikoen eta industria arloan arrakasta izateko funtsezkoak diren beste irizpide batzuen arabera hautagaiak iragazten ditu.

Horrek hautaketa-prozesua arintzen du, eta hautagaiak ezagutza eta esperientzia zehatz batekin hautetsiko direla bermatzen du.

2. Profesionalen sare globalerako sarbidea

Tresna honek mundu osoko talentuekin konektatzeko aukera ematen die enpresei, 600 milioi pertsona baino gehiagoko datu-baseari esker. Sektore jakin batzuetako adituen bilaketa erraztea dakarrena, haien kokapen geografikoa kontuan hartu gabe.

3. Industriaren erakargarritasuna bultzatzeko enplegu-emaileen branding-a landu

LinkedIn Recruiter, hautagaiak bilatzeaz gain, industria-sektorean enplegatzaileen markagintza eraikitzeko plataforma ere bada.

Enpresek beren proiektuak, laneko segurtasun-balioak eta lan-inguruneetako giro berritzaile eta desafiatzailea nabarmendu ditzakete, eta, hala, sektorean konpromisoa lortu nahi duten profesionalak erakarri.

4. Komunitate eta talde espezializatuak

Sarearen funtzio honek aukera ematen du industria-sektoreko komunitate eta talde zehatzetan aktiboki parte hartzeko, hautatutako profilak lantaldearekin partekatuz eta profilak lortzeko aukera emanez.

Horrek, networking-a sustatzeaz gain, sektoreko joerak, erronkak eta aukerak ulertzeko aukera ematen die erreklutatzaileei. Elkarrizketa garrantzitsuetan parte hartzeak harremanak eraikitzen eta enpresa industrian lider gisa posizionatzen laguntzen du.

LinkedIn Recruiter industria-sektorean erreklutamendu-estrategien elementu integrala bihurtu da. Abantailak aprobetxatuz eta estrategia eraginkorrak jarraituz, pertsonen datu-base sendo bat eraikitzea eta hautaketa-prozesuak optimizatzea ahalbidetzen du.

Hezkuntza-marketina: WhatsApp-eko tresnak ikastetxeetan

Hezkuntza-marketina: WhatsApp-eko tresnak ikastetxeetan

Hezkuntza-sektorean berehalako komunikazioa funtsezkoa da; hori dela eta, WhatsApp-eko tresna berriak baliagarriak izan daitezke. WhatsApp pertsonen arteko interakzioa sinplifikatzeko aplikazio baliotsua da, eta aplikazioak gehitu dituen tresna berriei esker gurasoen, irakasleen eta ikasleen arteko komunikazioa errazteko aukera berriak sortu dira.

Burutü agentziako lantaldetik ikastetxeetan WhatsApp tresnak optimizatzeko modu ezberdinak eskaintzen dizkizugu.

WHATSAPP KANALAK

WhatsApp-eko kanalek audientzia handiei mezuak zabaltzeko eta jarraitzaileei informazioa bidaltzeko balio dute. Ikastetxe bateko kanal bat sortzea ideia interesgarria izan daiteke, norabide bakarreko komunikazioa eskain baitezakegu. Hau da, ikastetxeak mezuak igorri ditzake baina harpidetuek ezin diete mezuei erantzun.

Ikastetxeak familientzat, ikasleentzat edota langileentzat zuzenduta dauden berriak edo informazioa zabaldu ahal izango du. Komunikazioa norabide bakarrekoa izan arren, mezuak irakurri, erreakzionatu eta partekatu egin daitezke.

Gainera, komunikazio-mekanismo honek pribatutasuna mantentzea ahalbidetzen du, inork ezin baitu kanala jarraitzen duten profilen informazio pertsonala ikusi. Era berean, kanalak ez dira txat pertsonalekin nahasten.

 

Hainbat enpresek, erakundek eta pertsona ezagunek aktibatu dute aukera berri hau dagoeneko. Horien artean Berria egunkaria edo Athletic Club aurkitzen dira, besteak beste.

HEDAPEN-ZERRENDAK

Hedapen-zerrendak informazioa masiboki komunikatzeko eta hainbat pertsonari mezuak aldi berean bidaltzeko tresna baliotsuak dira. Ikastetxeetan komunikazio eraginkorragoa lortzeko baliagarria izan daiteke.

Tresna honen bidez, kontaktuak kategoria espezifikoetan bana daitezke, hala nola, irakasleak, ikasleak eta familiak. Mezuak taldearentzat garrantzitsuak izatea eta nahasketak sortzea saihesten du, informazioa pertsona zuzenengana iritsiko dela bermatuz.

Ikastetxeak hedapen-zerrenda zehatz bat sor dezake, adibidez, iragarki garrantzitsuetarako, pertsonek informazioa azkar eta eraginkortasunez jaso dezaten. Funtsezkoa da ikastetxetik informazioa bidaltzeko baimena izatea.

KOMUNITATEAK

Beste tresna aipagarrietako bat komunitateen funtzioa da. Aukera honek komunikazio eta lankidetza errazten ditu, talde ezberdinak komunitate batean bilduz.

Komunitateen tresnak aukera ematen die ikastetxeei taldeak gaika antolatzeko, hala nola, eskolako ekitaldietan edo iragarki garrantzitsuetan. Mezu garrantzitsuak nabarmentzeko, iragarki nabarmenen funtzioa ere badu, eta horrek informazioa elkarrizketetan ez galtzea bermatzen du. Gainera, aukera ematen du bigarren mailako taldeak sortzeko komunitatearen barruan, gai espezifikoak xehetasunez eztabaidatzeko.

WhatsApp-eko hiru tresna berri hauek oso erabilgarriak izan daitezke ikastetxeetako komunikazioa hobetzeko, komunikazioa antolatuz, optimizatuz eta erraztuz. Zalantzarik gabe, hezkuntza-marketinean emaitzak optimizatzeko gertutik jarraitu beharreko aukerak dira hauek.

Argazkia: Business Insider España

 

 

 

 

Summit Creative Awards 2023 saria jaso dugu

Summit Creative Awards 2023 saria jaso dugu

Burutü agentziak Politeknika Txorierrirentzat garatutako webgune korporatiboak Summit Creative Awards 2023 saria jaso du Portland-en (AEB). Webguneak “Education Website” kategoriko  zilarra saria irabazi du.

Webgune korporatibo berriak erabiltzaile-esperientzia ezin hobea eskaintzen du, nabigazio intuitiboaren eta informazio-arkitektura argi eta eraginkorraren bidez, diseinu moderno, malgu eta hartzailearekin.

Azken 29 urteetan, Summit Awards erakundea sormen bikaintasunaren epaile nagusietako bat izan da, eta harro gaude arlo horretan aintzatetsiak izateaz.

Burutü agentziak garatutako sormen-proposamena 19 herrialde baino gehiagoko agentzien proposamenen aurka lehiatuz saritu dute: Australia, Austria, Kanada, Danimarka, Alemania, Hong Kong, India, Jamaika, Koreako Errepublika, Mexiko, Pakistan, Puerto Rico, Hegoafrika, Espainia, Taiwan, Turkia, Arabiar Emirerri Batuak, Erresuma Batua eta Estatu Batuak.

Eskerrik asko guztioi!

Zer da Threads?

Zer da Threads?

Threads, Instagram-en sare sozial berria, mezu laburrak argitaratzeko jaio da. Microblogging gune berri honekin testuak eta hariak gure jarraitzaileekin partekatu ahal izango ditugu. X-en, lehen Twitter zenaren, alternatiba dugu Threads.

Burutü agentziako taldean sare hau hobeto ezagutzeko gida bat prestatu dugu; kanal berri hau zer den eta nola erabili daitekeen ulertzeko hainbat gako, alegia.

Nola funtzionatzen du?

Erabilpenari dagokionez, gainontzeko sare sozialen dinamika berdina jarraitzen du. Erabiltzaileek 500 karaktere arteko testu-argitalpenak sor ditzakete, baita irudiak, bideoak, GIF-ak edo inkestak gehitu ere.

Honek ere edukia kudeatzeko algoritmoa du, pertsona bakoitzaren interesekin bat etor daitezkeen argitalpenak erakusten dituena.

Instagram-en bezala, Threads-ek bi modu ditu argitalpenak ikusteko. Lehenengoa eta lehenetsita, Zuretzat aukera ikusiko du erabiltzaileak. Hau da, jarraitzen dituen pertsonen argitalpenak eta gomendatutakoak nahastuta azalduko zaizkio. Bigarrena, ordea, Jarraitzen aukera dugu. Erabiltzaileak jarraitzen dituen pertsonen edukia ikusiko du soilik. 

Nola erabili Threads?

Instagrameko kontua izanez gero, ez da beharrezkoa izango kontu berri bat sortzea. Izan ere, Instagrameko profilaren informazioarekin hasi daiteke saioa.

Hasierako orrialdean ohiko aukerak aurkitu daitezke: bilatzailea, argitalpenak egiteko botoia eta izandako interakzioak eta jakinarazpenak, besteak beste.

Goialdean, Threads-eko logoa sakatuta, erabiltzaileak Zuretzat edo Jarraitzen  modua aukeratu dezake.

Argitalpen bat egin nahi izanez gero, erdiko botoia sakatu beharko da. Bertan, testua ez ezik, irudiak, traolak edo inkestak ere txertatu ahal izango dira.

Nola erabili dezakete markek Threads sare soziala?

Europan berria izan arren, aplikazio honek, milaka deskarga lortu ditu lehenengo egunetan, eta asko dira sare sozial berri honetara batu diren erabiltzaileak, batez ere, 15 eta 35 urte bitarteko gazteak.

Une honetan, aplikazioa modan dago eta oraindik goiz da enpresek aterako dioten etekinaren inguruan hausnarketa bat abiarazteko. Hala ere, esperientziak dio enpresentzat onuragarria dela marketin digitalean izaten diren joeren berri izatea.

Argi dago Threads jarraitzaileekin lotura izateko eta presentzia digitala indartzeko tresna baliagarritzat izango dugula datozen hilabeteotan eta dagoeneko hainbat markek profil berria zabaldu dute; Coca Cola, Netflix edo Adidas, besteak beste.

 

 

 

 

 

 

 

 

 

 

Burutü agentziako taldea ere Threads-en dago, bertan itxarongo zaituztegu!

Hamabi urte zure marka zaintzen

Hamabi urte zure marka zaintzen

Burutü agentzian sormenez beteriko hamabi urte ospatzen ditugu. Elkarrekin proiektuak errealitate bihurtzea lortu dugu ibilbide honetan. Markak konfiantza eta profesionaltasunetik maitatzen eta zaintzen jarraituko dugu.

12 urte markak eraldatzen, elkarrekin hazten, estrategia eta komunikazioa batzen, ezagutzak zabaltzen.
Hamabi urte ZURE MARKA ZAINTZEN.

Eskerrik asko bihotzez gure bidaiaren parte izan zareten guztioi!