Burutü agentzian marken bilakaera eta hazkundearen ibilbidearen parte izateaz gozatzen dugu, proiektu berri bakoitzak berekin dakartzan aukera berrietan murgilduz eta horietatik ikasiz.

Hala, egunez egun eta erronkaz erronka, gurekin lankidetzan aritu diren markekin batera ibilbide luze eta sendo bat eraiki dugu markagintza eta komunikazioaren alorrean. Elkar lagunduz eta zainduz. Elkar aurrera eginez.

Hari horretatik, aurten Burutüren motxila gorriari bizitza eman diogu, duela hamahiru urte hartutako konpromisoa sinbolizatuz: marka bat eraldatzeko eta haren nortasuna indartzeko bidean, gure bezeroen alboan aholkulari gisa egoteko egiten dugu lan egunero. Modu honetan, 500 marka baino gehiago lagundu ditugu jada beren helburuak eskuratzen eskaintzen dugun markagintzako kontsultoretza estrategiko integral eta pertsonalizatuari esker.

Motxila horiek gure bezero zein kideek jaso dituzte, bidai aberasgarri hau gurekin partekatu dutenek alegia.  Orain, mundu osoan zehar bidaiatzen ari dira, Burutüren zati bat txoko desberdinetara zabalduz. Malasiatik hasita Euskal Herriraino zuen bidelagun izaten jarraitzen dugu. Mila esker ondoan izan zareten guztioi!

Azken hilabeteotan arreta handia bereganatu duen sare soziala da Bluesky, bereziki X plataformaren (lehen Twitter bezala ezagutzen zena) alternatiba gisa. Baina zer da zehazki Bluesky eta zerk egiten du hain erakargarri?

Bluesky-ren ezaugarri nagusiak 

Bluesky-k Twitter eta Mastodon bezalako plataformen alderik onena uztartzen du, distrakziorik gabeko esperientzia eskainiz. Threads-en erabiltzaile-kopuru masiborik ez duen arren, kalitateagatik eta erabiltzaileen egungo eskaerei erantzuteagatik nabarmentzen da:

· Algoritmo pertsonalizagarriak: Erabiltzaileek ikusten duten edukia euren interesen eta beharren arabera doitu dezakete.

· Moderazio aurreratua: Erabiltzaile bakoitzak pertsonaliza ditzakeen filtroez gain, gorroto diskurtsoei, informazio faltsuei eta eduki desegokiei aurre egiteko tresnak ditu.

· Iragarkirik gabeko eredua: Plataformaren finantzaketa harpidetzetatik dator, eta harpidetzek abantailak eskaintzen dituzte, hala nola profil pertsonalizagarriagoak eta kalitate handiko bideoak igotzeko aukera.

Nola funtzionatzen du Bluesky-k?

Bluesky-k deszentralizazioan jartzen du arreta. Horrek esan nahi du erabiltzaileek beren informazioa zerbitzari independenteetan gorde dezaketela, entitate zentralizatzaile bakar baten kontrolik gabe. Eredu honek kontrol eta malgutasun handiagoa eskaintzen die erabiltzaileei, honako hauek ahalbidetuz:

· Beren datu pertsonalak kudeatu eta eduki ditzakete.

· Zerbitzariz alda daitezke, konexiorik edo edukirik galdu gabe.

Bluesky-ren hazkundea 

Bluesky-ren erabiltzaile kopurua izugarri handitu da, mundu osoan 21 milioi erabiltzailera iritsiz. Hazkunde hau X plataforman izandako aldaketen ondorio da, Elon Muskek hartutako erabakiek, hala nola iragarki kopuruaren gehikuntzak eta jarrera polemikoek, komunitatean deserosotasuna eragin baitute. Ondorioz, erabiltzaile askok alternatiba berriak bilatzea eragin dute.

Nola integratu Bluesky zure marka estrategian

Bluesky aukera paregabea da audientziekin konexio errealagoa bilatzen duten enpresentzat. Haren egiturak aukera ematen du gardentasunean eta zuzeneko hartu-emanean oinarritutako markagintza digitaleko estrategiak gauzatzeko, funtsezko elementuak baitira etengabe aldatzen ari den panorama digitalean.

Burutü-n etengabe aztertzen ditugu horrelako aldaketak, gure bezeroen helburu eta beharretara egokitutako komunikazio-estrategiak garatzeko.