Burutüko taldea Politeknika Txorierriren 2023/2024 ikasturteko matrikulazio kanpainarekin egindako lanagatik saritua izan da Publifestival Sarietan Telebistako Spot Ekoizpen Onenaren kategorian. Hezkuntza sektorean Burutüren esperientzia eta lan ona bermatzen duen errekonozimendu berri bat.
Markagintza hausnarketa estrategiko baten ondorioz, Burutü Agentziak sortutako “Hegan Egiteko Aukerak” taglinean oinarritutako kanpaina integrala da hau. Kanpainaren ardatz nagusi gisa, markaren tonu eta diskurtsoarekin bat datorren spot originala, modernoa eta koherentea landu dugu. Spot hori telebistan emititua eta Publifestivalen saritua izan da.
360º kanpaina dugu hau. Honen atzean euskarri ezberdinetan oinarritutako hedabide-plana dago: telebista, irratia, publizitatea kanpo-publizitatea, markesinak, metroa, eta eduki organikoa eta ordainekoa duen estrategia Social Median.
Lan honen ondorioz, Politeknika Txorierrik ikusgarritasun handia lortu du Bizkaian, eta aurretik zehaztutako matrikulazio-helburuak lortu eta gainditu dira.
