MARKAGINTZA ETA MARKETIN DIGITALA – YKR FISHING

GOGOETA ESTRATEGIKOA ETA MARKAREN BIRDISEINUA

 

Erronka Kirol-arrantzari lotutako marka batentzako markagintza eta marketin digitaleko estrategia definitzea

YKR Fishing markak lan paregabea egiten du merkatuan kirol-arrantzako amu eta kanaberarik onenak eskaintzeko. Arrantzaleek arrantzaleentzat sortutako produktuak.

 

Soluzioa Markaren gogoeta estrategikoa eta unibertso grafikoaren birdiseinua

Markagintzaren gogoeta estrategikoaren emaitza bezala, YKR Fishing-en balioak, atributuak eta markaren esentzia definitu ditugu. Prozesu honek marka-posizionamendu berri bat birplanteatzen lagundu digu, hau da, pertsonen buruan marka batekiko eraikitzen den ideia.

Era berean, berezia, modernoa eta gaur egungoa den unibertso grafikoa garatu dugu, nortasuna emanez. Osagarri gisa “glitch” erako animazio tipografikoak barneratu ditugu unibertsoan.

Aholkularitza estrategikoa markagintzan

Markaren azterketa sakon batekin hasita, bai online bai offline erakoa, eta diagnostikoa eta plangintza burututa, YKR Fishing-en marka adierazpena hobetzeko eta zehaztutako komunikazio-helburuak lortzeko estrategia trazatu dugu.

Aztertu diren euskarri nagusiak honako hauek izan dira: webguneko eta sare sozialetako komunikazioa, eremu digitalean, eta markak bidalketetan eta offline komunikazioan erabiltzen dituen euskarri fisikoak (packaging, merchandising, etab.), besteak beste.

Tendentziak jarraituz

Marka indartzeko eta modernizatzeko helburuarekin, logotipoaren birdiseinu bat egin da, eta horrekin batera, markaren unibertso grafikoa sortu da. Horrela, YKR Fishing markari nortasuna eta indarra ematea lortu dugu.

 

 

Emaitzak – Etorkizun digitaleratz begira

Gogoeta estrategikoa osatu ondoren, profil digitala duten pertsonengana hobeto iristen lagunduko diguten estrategia komertzial digitalak ezartzea planteatu dugu. Webgunearen birplanteamendua izan da esparru digitalean ibilbidea hasi ahal izateko ardatzetako bat.