Hamaika urte bete dira BURUTU agentzia sortu genuenetik. Ekinaren ekinez, gure proiektua handitzen joan da eta gaur egun bederatzi lankide gara.
Eskerrik asko urte guzti hauetan gure ondoan izan zaretenoi, eguneroko ibilbidean zuen bidelagunak izatea da guretzat saririk onena.
Hamaika erronka,
Hamaika proiektu,
Hamaika amets,
Hamaika urte elkarrekin.
Azken aldian, aurpegiko filtroen erabilera masifikatu egin da. Bizitzaren alderdi ona soilik erakusten dugu, bizi dugun benetako errealitatea albo batera utziz. Horregatik, bi sare berri hauen helburua inolako ukiturik gabe pertsona bakoitzaren egunerokotasuna erakustea da. Hau da, editatu gabeko argazkiak igotzera gonbidatzen gaitu. Beraz, anti postureoko sare soziala dela esan dezakegu.
Oso erraz. Egunean behin bakarrik igo daiteke argitalpena, eta mugikorrak jakinarazpena bidaltzen dizu noiz igo behar duzun abisatzeko. Egunaren arabera ordua aldatzen joaten da.
Abisua heldu eta denbora mugatuan, aurrean duzunari argazkia atera beharko diozu, eta baita selfie erako argazki bat ere. Honen gakoa, aplikazioak jakinarazpena bidaltzen dizun unean argazkia ateratzean datza, ahalik eta “errealena” izateko.
Nahi duzunean igo dezakezu argitalpena, baina jokoaren xarma ahalik eta azkarren igotzea da. Argitalpen guztiak hurrengo jakinarazpena heltzen denean ezabatu egiten dira; hau da, 24 ordu irauten duten argazkiak dira.
Bakoitzak bere edukiekiko kontrol osoa dauka, kontua pribatu jarriz gero onartutako lagunek soilik ikusiko ahal izango dituzte zure argazkiak. Kontuan izan behar da, besteen argazkiak ikusi ahal izateko aldez aurretik bakoitzarena igo behar dela.
Zein da Be Real eta TikTok Now-ren arteko desberdintasuna?
Sare sozial bien arteko berdintasunak oso nabariak dira, hala ere, desberdintasun txiki batzuk ere badituzte. Be Real plataformak, momentuz, argazkiak partekatzen bakarrik uzten du, bi minutuko epea emanez. Aldiz, TikTok Now sareak argazkiak eta 10 segundu arteko bideoak partekatzen ere uzten ditu. Eta epeari dagokionez, kasu honetan 3 minutuko tartea ematen dizu.
Burutü agentzian beti gustatzen zaigu pil-pilean eta modan dauden joeren berri izatea, bezero bakoitzaren beharretara eta helburuetara egokitutako komunikazio-estrategiak garatzeko.
Azkenaldian podcasten arrakastak gora egin du eta horrek euskal komunitatean ere bere eragina izan du. Izan ere, geroz eta gehiago dira kanal berri honetara aldatu eta edukia bertan sortzen ari direnak. Marka eta komunikazioa lantzeko tresna bikaina dira podcastak. Eduki honen sorreraren igoera aintzat hartuta, zenbait podcast plataforma sortu dira Horien artean ZuZeu podcast (Podcast.eus-en entzungai) edo EITB podcast, beste askoren artean. Baina, zeintzuk dira gaur egun bogan dauden euskal podcastak?
“Gaien aldetik mugarik ez dago eta istorio pertsonaletik abiatuta.”
Aitziber Gradosen eta Malen Altunaren eskutik, “Benetan zabiz?” podcasta. Ez dira gai zehatz batera mugatzen, izan ere, istorio pertsonaletatik abiatuta, gonbidatuen sekretu ilunak plazaratzea dute helburu eta sare sozialetan azken aldian pisua bereganatu dute. Askotariko gonbidatuak dituzte eta haien bizipenetan oinarritutako istorio dibertigarriak azaltzen dituzte saio bakoitzean. Hauen artean Mikel Lizarralde, Aitziber Garmendia, Aissa Intxausti, Olatz Salvador edo Jokin Altuna.
“Gazteen komunikazio-gaitasunaren garapenean lagungarri izatea da material honen helburua.”
Labayru Fundazioak ekoiztutako podcasta da “Gazteak euskaraz”. Gazteen komunikazio-gaitasuna eta euskararen erabilpena sustatzea du helburu. Horretarako, eremu ezberdinetan izan beharreko gaitasunak lantzen dira.
“Astero pertsonaia baten etxera sartuko ditugu mikrofonoak.”
Oier Aranzabalek aurkezten du “Barruan gaude” podcasta. Elkarrizketak dira podcasten honen ardatz nagusia. Astero pertsona bat gonbidatzen du Oierrek, bere etxera sartu eta berarekin solasean jarduteko. Intimitateetatik bizipenetara egiten du jauzi podcastak. Blanca Urgell, Aitziber Garmendia, Antton Telleria edota June Fernandez izan ditu gonbidatu gisa.
“Zer moduz zaude? Ez hain ondo”
Zer moduz galderari erantzuteko “Ondo” baliatzen dugunean atzetik kezkatzen gaituzten kontuen segida gorde ohi dugu. Erantzun luzeagoak behar dituen galdera horri buruzko saioak dakartza podcast honek Irati Perez psikologoaren ahotsetik. Ane Zuazubiskar kazetariaren galderetatik abiatuta sortzen ditu hausnarketak.
“Musikak egin dizkien ekarpenak eta bizi izandako egoera eta pasadizoak, modu atseginean aztertuz.”
Olatz Salvadorrek eta Lore Nekane Billelabeitiak, Ainhoa Vitoriarekin batera, euren musika ibilbide profesionalean bizitako anekdotak izaten dituzte aztergai “Yoko ona” bideopodcastean. Laugarren denboraldia gauzatu dute azken hilabeteotan eta arrakasta handiko edukia da. Gonbidatuen bizipenek eta hausnarketa pertsonalek xarma berezia eskaintzen diote podcastari.
“Emakumezko kirolariak ardatz dituen podcast saioa.”
Emakume kirolariak dira “Kirolari gaittun” podcastaren protagonistak. Ane Urkirik eta Maddi Garmendiak gidatzen dute saio hau, eta emakumeen kirol arloa eta bestelako gorabeherak izaten dituzte aztergai.
Inurri Elkartearen podcsta da “(Min)bizi”. Olatz Mercaderrek gidatzen du eta bularreko minbizia izan duten emakumeen bizipenak biltzen ditu. Gonbdiatu ezberdinekin sortzen dute saio bakoitza eta gai ezbzerdinak jorratzen dituzte gaixotasunaren barruan.
“Orain berriz hasiko naiz zeregin berarekin, zuek kutxak zabaldu besterik ez duzue egin behar.”
Kirmen Uribek “New Yorkeko munduak” podcastean Euskaldunon egunkarian eta Berrian aritu zeneko zutabeak memoria-kutxa txikien gisakoak zirela dio. Horiek berriro irekitzen hasi eta horien inguruan hausnartzeko podcasta aurkezten du.
“Historiaren testigu mutuak direla pentsatuko dute askok, baina haien fruituek, olibek, hizkuntza unibertsala hitz egiten dute.”
Ane Irazabal arrasatearrak aurkezten du “Zaitun” podcasta, non Mediterraneoko txoko desberdinetako kontuak hurbiltzen dizkion entzuleari: Italiako nondik-norako politikoak edo errefuxiatuak, esate baterako.
ARGIAko podcast honek Aner Peritz, Leire Vargas, Oihana Arana eta Haizea Arana ditu aurkezle lanetan. Bertso Txapelketaren inguruko epai irizpideez aritzeaz gain, umorearen erabileraz, bertsolarien estilismoaz eta bestelako gaiak dituzte mintzagai bertsolaritzaren inguruan. Horrez gain, bigarren denboraldiari hasiera eman diote aurkezle bat gutxiago izanik eta Euskal kultur esferako pertsonak gonbidatuta, aktualitate kutsudun solas eta jolasak sortuz.
Argi geratu da, beraz, podcastak komunikaziorako tresna garrantzitsua bilakatu direla azken urteotan eta hauen ekoizpenak gora jo duela ezinbestean. Askotan, podcastak filmatzera batzen diren pertsonen artean sare sozialetan euskarazko edukia partekatzen dutenak daude.
Burutü agentzian “Nik hitzematen dut. Y tú, ¿te comprometes?” kanpaina sortu genuen Uraren Euskal Agentziarentzat. Kanpainak “Not for profit” kategoriko brontze saria jaso du, Summit Awards-ek Portland-en (USA) antolatutako sarietan.
Uraren Euskal Agentziarentzat egindako sentsibilizazio kanpaina da, non ingurumena kontserbatzearen garrantzia transmititzen duen, urari eta hari ematen dizkiogun erabileretan arreta jarriz.
Azken 28 urteetan, Summit Awards erakundea sormen bikaintasunaren epaile nagusietako bat izan da, eta harro gaude arlo horretan aintzatetsiak izateaz.
Burutük euskaraz eta gaztelaniaz garatutako sormen-proposamena 19 herrialde baino gehiagoko agentzien proposamenen aurka lehiatuz saritu dute: Australia, Austria, Kanada, Danimarka, Alemania, Hong Kong, India, Jamaika, Koreako Errepublika, Mexiko, Pakistan, Puerto Rico, Hegoafrika, Espainia, Taiwan, Turkia, Arabiar Emirerri Batuak, Erresuma Batua eta Estatu Batuak.
Eskerrik asko guztioi!
Marka bat eraikitzen denean, oso garrantzitsua da haren nortasuna zehatz-mehatz ebaluatzea eta definitzea. Baina, zer da marka baten nortasuna? Markari bizia ematen dioten eta haren publikoarekin konexio eta harreman esanguratsuak sortzea errazten duten atributu sinbolikoak dira.
Carl Jung psikiatrak, hainbat azterketa eta analisi egin ostean, 12 arketipo bereizi zituen marka baten pertsonalitatea definitzeko. Carl-en teoriaren arabera, 12 arketipo horiek gizakiaren emozio eta izaera ezberdinak irudikatzen dituzte. Horregatik, enpresaren marka-nortasuna eraikitzeko orduan, garrantzitsua izaten da pertsonalitate ezberdinen kontzeptua argi izatea.
Garbitasun, sinpletasun eta positibotasun-mezua transmititzea du helburu. Izaera honen beste ezaugarri deigarrietako bat erabakiak hartzerako orduan duen benetakotasuna, bat-batekotasuna eta gardentasuna da.
Scottex marka dugu arketipo honen adibide nagusi.
Arduratsua da, ikaskuntza eta pentsamendu kritikoa sustatzen ditu; pertsonalitate honentzat garrantzitsua da hurkoari ezagutza eta jakinduria ematea.
Zein marka etortzen zaizu burura deskribapen horrekin? Asko daude, baina Google izan daiteke horietako bat.
Abenturazalea eta dibertigarria da, eta munduko lekurik ezkutuenera iristeko gogoa erakusten du, baina errutinarekin nekatzen bada izaera aldakorra izan dezake.
Airbnb markaren komunikazioa pertsonalitate mota honetan oinarritzen da.
Marka errebeldeak “politikoki zuzenak” diren marken aurka daude. Izenak dioen bezala, arketipo honek nortasun errebelde, ausart eta bizkorra uzten du agerian, egunerokotasuneko arauak hauste aldera.
Desigual horren adibide nagusi.
Misteriotsua, ironikoa eta sortzailea da. Izaera hau duten pertsonek berezko trebetasuna dute arazoak aukera bihurtzeko eta gauzak beste ikuspegi batetik ikusteko.
Disney -ren kasuan, kanpaina guztietan entzuleak beraien ametsak errealitate bihurtzera bultzatzen ditu.
Bere helburu nagusia mundua aldatzea da; oso langilea da eta edozein erronkari aurre egiteko prest dago.
Entzuleekin konektatu nahi duten markek garaipena eta nagusitasuna transmititzen dute pertsonalitate honekin. Pentsatu Nike markaren komunikazioan; honen kanpainetan etengabe agertzen dira lehiatzeaz harro dauden eta espiritu irabazlea duten pertsonak.
Sentsuala, grinatsua, liluragarria eta erakargarria dira nortasun honen ezaugarri nagusienak. Esklusibotasun kutsua ere izan dezake.
Nortasun honen azpian kokatzen diren markek desirarekin jolasten dute, eta garrantzi handia ematen diote estetikari. Hona hemen pertsonalitate honen marka-adibide bat: : Calvin Klein
Pertsonalitate hau duten pertsonak dibertigarriak eta txantxazaleak izaten dira. Ez zaie axola besteek zer pentsatzen edo esaten duten.
Izaera hau oso ondo egokitzen da aisialdiarekin lotutako produktuak edo zerbitzuak eskaintzen dituzten eta target gazte bati zuzenduta dauden marketara Mixta garagardo markak, ezin hobeto erakusten du pertsonalitate honen esentzia.
Beti besteei laguntzeko prest dagoen pertsona: apala, zintzoa eta beti fidagarria. Arriskuak hartzeko interesik ez duen eta erosotasun eremuan gustura dagoen pertsonari egiten dio erreferentzia.
Ikea izan daiteke pertsonalitate mota honen adibideetako bat.
Izenak dioen bezala, arima babeslea da, eta arreta eta maitasuna emateko prest dago beti. Besteei laguntzea du helburu, eta adi egoten da gerta dakizkiokeen gatazka-egoerekin.
Actimel -en kanpaina honek garbi erakusten du izaera honen nondik-norakoak.
Bitxiak, trebeak eta sortzaileak izaten dira. Horien motibazio nagusia munduan arrasto bat uztea izaten da, beraien lanak hurrengo urteetan zehar gogorarazteko.
Lego markak oso ondo transmititzen du izaera hau kanpaina guztietan.
Ezin falta taldeko buruzagia. Pertsuasioaren artea menderatzen du, eta ezinezkoa da inor bere erabakiez ez fidatzea; bere buruarengan konfiantza eta bere burua onena bezala nabarmentzeko konpromiso handiegia baitu.
Luxuzko markak izaten dute askotan pertsonalitate mota hau. Prada -ren spot honetan argi ikusten da kontzeptua.
Markaren nortasuna garatzeko urratsak
Zeure burua ondo ezagutzea da, zeure burua definitzeko lehen urratsa; horregatik, garrantzitsua da markaren istorioa kontatzea, hasiera-hasieratik hasi eta istorio hori sortzera eraman zuten arrazoietara iritsi arte.
Balio-proposamena kontsumitzaileei egiten zaien promesa bat da, eta horren arabera aukeratuko gaitu kontsumitzaile batek lehiakideen aurrean. Markaren nortasuna garatzea oso garrantzitsua da, lehiatik bereiziko zaituen balio-proposamena eraikitzeko.
Balio-proposamena kontsumitzaileei egiten zaien promesa bat da, eta horren arabera aukeratuko gaitu kontsumitzaile batek lehiakideen aurrean. Markaren nortasuna garatzea oso garrantzitsua da, lehiatik bereiziko zaituen balio-proposamena eraikitzeko.
Bizkaiko Foru Aldundiarentzat sortutako “Benetan Berezia” kanpainak BRANDOR DOMINA jaso du.
Bigarren urtez jarraian, Museoen egunerako egindako kanpainak sari bat jaso du. Kasu honetan, marka baten bideoan lengoaia bisual onenaren kategorian.
Errekonozimendu horrek ilusio berezia egiten digu, markagintzaren sektoreko profesionalak baitira obra horiek ebaluatu eta sariak emateaz arduratzen direnak.
Museoen Nazioarteko Eguna zela eta, kanpaina bat egin genuen “Benetan Berezia” kontzeptupean. Spot original bat garatu genuen eta, horren bidez, intriga eta sorpresa sentsazioak transmititzea lortu genuen.
Gainera, spot-a sare sozialen bitartez sustatu genuen, biralizazioa lortzeko eduki mota ezberdinak sortuz.
Eskerrik asko!